Les Témoins de Jéhovah — la foi en action, 1re partie : la sortie des ténèbres
Ame e hnine la Tusi Hmitrötr, kola aceitunëne la lai memine la nyipici, nge melöhlem memine la thoi. (Sal. 43:3; Is. 5:20) Hnei Satana hna axulune la jidri ngöne la fene celë ngöne lo angeice a iaö Eva, thupene lai, kolo pë hë a jidri pi la fene asë celë. (Hna ama. 12:9) Tro la video celë hna hape, Les Témoins de Jéhovah — la foi en action, 1re partie : la sortie des ténèbres, a qeje pengöne la aqane nyiqaane mama pi la lai ngöne la ua ngöne la fene hna ajidrine celë. (Is. 60:1, 2) Thupene la hna goeëne lai video, thele jë troa sa la itre hnyinge celë:
(1) Hna kökötre catre tune kaa la jidr thupene lo kola meci hnene la itre aposetolo? (2) Qaane lo itre macatre1100, nemene la ka xatuane la itre atr troa atrehmekune laka, kola hamë itre ini ka thoi ngöne la itre uma ne hmi? (3) Drei lae Henry Grew me George Storrs? (4) Nemene la itre ewekë ka traqa koi Charles Russell nge ka hetre thangane kowe la mele i nyidrë? (5) Hnei Russell, me keme i nyidrë, me itre xa sinee hna xomiujine tune kaa la ketre lapa ne ini Tusi Hmitrötr, nge nemene la itre mekune hnei angatre hna xome qa hnine la Tusi Hmitrötr? (6) Pine nemene matre hnene la lapa ne ini Tusi Hmitrötre cili hna casi memine la gurupe i Nelson Barbour, ngo nemene la ewekë ka upi Russell troa trije hmaca la gurup cili? (7) Nemene la ewekë ka traqa ngöne lo Julai 1879 nge ka aijijëne la lai ngöne la ua troa nyiqaane mama? (8) Thupene lai, nemene la hna kuca hnene la Angetre Inine la Tusi Hmitrötr, matre troa akökötrene la maca ka loi? (9) Nemene la ewekë hna treqene hnene la Angetre Inine la Tusi Hmitrötre qaane hë la itre macatre qëmekene la macatre 1914? (10) Nemene la itre jole hnei angatre hna cile kow thupene lo kola meci hnei Russell? (11) Nemene la hna kuca hnene la Angetre Inine la Tusi Hmitrötr, thupene lo kola nue Rutherford me itre sine huliwa i nyidrë qa ngöne kalabus? (12) Kola akökötrene tune kaa la hni ne ole i epun kowe la organizasio i Iehova hnene la hna goeëne la video celë? (13) Eje a acatrene tune kaa la aja i epuni troa catre cainöje ngacama nyimutre ju hë la itre jol? (14) Tro sa xome tune kaa la video celë matre troa xatuane la itre sinee së me itre ka ini Tusi Hmitrötr, me itre xane ju kö?
Drei la ketre edrö ka lolo hna hamë së hnene lo Itretre pane Inine la Tusi Hmitrötr! Ngacama angatre ekö a mele ngöne la fene hna ajidrin ngöne la ua, ngo hnei angatre pala hi hna catre tro fë la lai. Epi tro fe sa hane xötrethenge la tulu i angatr, me “tro pala hi tune la ite nekö ne la lai.”—Efe. 5:8.