Les Témoins de Jéhovah — la foi en action, 2ème partie : que brille la lumière !
Thupene la hna nue Rutherford me itre sine huliwa i nyidrë qa hna kalabus lo 1919, hnene lo angetre inine la Tusi Hmitrötre hna elemekene la ketre huliwa ka tru. Tune la hna amamane ngöne la video celë hna hape, Les Témoins de Jéhovah — la foi en action, 2ème partie : que brille la lumière !, nyimutre la itre atr ekö ka icilekeu memine la Angetre Inine la Tusi Hmitrötr, eje fe a amamane la aqane kökötre trootro la trotrohnine i angatre ne la Tusi Hmitrötr, me aqane acatrene la lapaune i angatr. (Ite edomë 4:18; Mal. 3:1-3; Ioane 15:20) Thupene la hna goeëne lai video, thele jë troa sa la itre hnyinge celë:
(1) Nemene la itre aqane huliwa hna xome hnene lo angetre inine la Tusi Hmitrötr, matre troa cainöjëne la maca ka loi? (2) Nemene la itre ithuemacanyi hna hamëne ngöne lo itre kovasio ka ketre pengöne ngöne lo macatre 1931 me 1935? (3) Nemene la mekune ka sisitria hna ithanatane hnine la zonal Tour de Garde ne 1 Nofeba 1939? (4) Qeje pengöne jë lo ewekë ka traqa e Madison Square Garden ngöne lo kola cile fë hnei Rutheford la cainöje celë, hna hape, “Gouvernement et paix” (Musi me Tingeting). (5) Pine nemene matre ka lolo catre la cainöje i Knorr, lo hna hape, “La paix de demain sera-t-elle de longue durée ?” (Tro Kö a Cile Huti La Tingeting?) (6) Ame lo 1942, nemene la itre ewekë hna eköthe amë hnene lo Itretre Anyipicine i Iehova, matre troa akökötrene la huliwa ne cainöj? (7) Qeje pengöne jë la itre hna iuti sai pin ngöne la itre hnakootr ka tru e États-Unis me Canada me Grèce. (8) Nemene la thangane la Ini ne Gileada ngöne la aqane trongene la huliwa ne cainöj? (9) Nemene la huliwa ka sisitria hna xejë lo macatre 1946, nge pine nemen? (10) Nemene la itre hna kuca hnene la Itretre Anyipicine i Iehova, matre troa ujë thenge la itre trepene meköti ne la Tusi Hmitrötr? (11) Nemene la itre hna saze ngöne la organizasio lo macatre 1970, matre troa trongëne la tulu hna hamën hnei Tusi Hmitrötr. (12) Kola xatua epuni tune kaa hnene la video celë troa trotrohnine laka, organizasio i Iehova lai nge Nyidrëti kö la ka weniujin? (13) Ngacama epuni a cile kowe la itre jol, ngo tune kaa la aqane ithuecatre koi epuni hnene lai video troa catre cainöj? (14) Tro sa huliwane tune kaa la video celë matre troa xatuane la itre hnainin, me itre sinee me itre xa atr ju kö?
Hetrenyi pala kö la itre hna melëne hnene la Itretre Anyipicine i Iehova, nge nyine troa qaja epin. Nemene jë fe elanyi la hna troa qaja göne la itre trenge catre hne së hna nue matre troa cainöj? Epi tro sa catre ‘ahudrumene la lai’ tune lo itre trejine me easë ekö!—2 Kor. 4:6.