Itre Aqane Nyiqaane Ithanata

Aqane Troa Tupath Troa Nyiqaane Ini Tusi Hmitrötr Memine La Itre Atr Ngöne La Pane Mecixeni Ne Mei

“Atre hi epune ka hape, eue la kola xupi Iesu?” Amamane jë la tröne la Ita Ne Thup ne Eiperem–Juun; ce wange ju la hnaaluene paragarafe nge hane ju fe e la ketre xötre ne la Tusi Hmitrötr. Line pi hë la itre zonal, nge sipone jë troa bëeke hmaca matre troa sisedrëne memine la hnaaluene hnying.

Ita Ne Thup Eiperem–Juun

“Ala nyimu la itre atr ka mejiune ka hape, hetre mele hmaca, ngo atre fe hi epuni ka hape, drei la hna troa amelene hmaca? [Nue pi troa sa nge e jë la Ite Huliwa 24:15.] Amamane jë la itre mekune hna eköhagene ngöne götrane 6.”

Réveillez–vous! Mei

“Eahuni a ajane troa wai epuni me ithanatane la ketre jole hne së hna öhne enehila, ene la iakötrë. Itre xan a mekune ka hape, maine troa tru la itre polis, ijije hi troa acone la etrune la itre hna akötrën. Nemene fe la mekuna i epun? [Nue pi troa sa.] Atre fe hi epuni la hna qaja hnei Tusi Hmitrötr göi iakötrë? [E jë la Salamo 37:10, 11.] Kola troa acatrene la mejiune cili hnene la zonale celë, nge kolo fe a amamane la itre nyine tro sa kuca matre troa thupë së qa ngöne la iakötrë.”