Itre Aqane Nyiqaane Ithanata

Thatraqane La Ijine Ihë Koi Drai Ne Amekunën

“Eahuni a traqa troa wai epun, ke hetre huliwa ka tru hna troa kuca e 14 Eiperem, drai ne kola troa atrune la ijine mec i Iesu. Ala nyimu la itre ka troa sine la huliwa cili, ke ka tru koi angatr la drai cili. Ame la itre xan, tre thatrepengöne hnyawa kö angatre la aliene la mec i Iesu. Ame koi epun ke, ka hetre thangane ka loi kö koi së la mec i Iesu?” Nue pi troa sa. [Liine pi la pepa ne ihë kowe lai atr.] “Kola troa cile fë la ketre cainöje hna nyitrepene hnene la Tusi Hmitrötr, nge ka troa qeje pengöne la itre thangane ka loi hne së hna troa kapa qa ngöne la thupene mele hna hamëne hnei Keriso. Hane kö cahu hnine ipepa la hnë icasikeu, me hawa ne kola troa nyiqaane la huliwa cili.”

Ita Ne Thup Januare–Maac

“Ame koi epun ke, nyipi ewekë kö troa nue la itre hna ngazo koi së hnene la itre atr? [Nue pi troa sa.] Hane hi la hna qaja hnei Paulo aposetolo. [E jë la Kolose 3:13.] Kola amamane hnene la tane mekune celë ne la Ita Ne Thup la kepine matre nyipi ewekë troa nue la hna ngazo koi së hnei itre atr.” Fe pi lai tane mekune ngöne la götrane 11.

Réveillez-vous! Maac

“Eahuni a traqa troa wai epun ke, eahuni a ajane troa ce ithanatane me epuni la ketre xötre ne la Tusi Hmitrötr ka jole kowe la itre xa atr troa lapaune kow. [E jë la Genese 1:1.] Hetrenyi la itre atr ka lapaune, ka hape, hna xup la hnengödrai me fene hnengödrai asë, ngo tha lapaune pë hë itre xan. Tune kaa fe la mekuna i epun? [Nue pi troa sa.] Ame kowe la itre xa atr, jole troa mekune ka hape hna xupe la nöjei ewekë, pine laka hnene la itre hene ne hmi hna hamëne la itre ini ka tha qa kö hnine la Tusi Hmitrötr. Ngo kolo pe a amamane hnene la zonale celë la kepine matre nyipici la hnei Tusi Hmitrötr hna qaja göne la qaane la hnengödrai me fene hnengödrai asë.”