Itre Aqane Nyiqaane Ithanata

Thatraqane La Ijine Ihë Koi Drai Ne Amekunën

“Nyiho a tro fë la pepa celë, me hë epun kowe la ketre huliwa ka tru. Traqa koi itre milio lao atr ngöne la fen asë ka troa atrune la drai ne mec i Iesu e Eiperem drai 3. Nge ca cainöj ka troa qaja la itre loi hne së hna kapa qa ngöne la hnei nyidrëti hna mec. Hna maakëne kö e cili ngöne sine pepa la hawa me hnë icasikeu.”

Ita Ne Thup Januare–Maac

“Ame koi itre atr, ke ka draië kö la inamacane i Akötresie hune la inamacane i atr, nge ka nyipi ewekë koi së la itre eamo hna qatreng hnene la Tusi Hmitrötr. Ngo nemene la mekuna i epun: tro kö së lai a mele madrine e hne së hna trongëne la hna qaja hnei Tusi Hmitrötr? [Nue pi troa sa.] Öni Akötresie ka hape, ceitune la wesi ula i Nyidrë me lam ka thinaane la gojenyi së e jidr. [E jë la Salamo 119:105.] Ame enehila, easa goeëne laka, tru catre la itre atr ka tru trene gufa. Kola amamane hnene la zonale celë la ixatua hnei Tusi Hmitrötr hna hamëne koi së ngöne lai götrane cili.”

Réveillez-vous! Maac

“Nyiho a pi amamane koi epuni la Réveillez-vous ! celë. [Amamane pi la icetröne.] Ame la kola hnyingëne koi itre atr ka hape: ‘Hetre Akötresieti kö?,’ tre isapengöne kö la isa aqane sa hnei angatr. Ngo ame koi epun ke, tro drei a xouene la itre drai ka calemi: itre ka lapaun koi Akötresie, maine itre ka tha lapaun? [Nue pi troa sa.] Eni a pi amamane la ketre hnei Akötresieti hna thingehnaean. [E jë la Salamo 37:10, 11.] Kola amamane hnene la zonale celë la foa lae kepin matre nyipi ewekë troa atre ka hape, hetre Akötresieti kö maine pëkö?”