Itre Aqane Nyiqaane Ithanata

Thatraqane La Ijine Ihë Koi Drai Ne Amekunën

“Eahuni enehila a hëne la itre atr troa sine la ketre huliwa ka tru. Ame e drai 14 Eiperem, kola troa ce traqa itronyi la itre milio lao atr e cailo, troa ce atrune la drai ne mec i Iesu Keriso, me drenge la cainöje hna nyitrepene hnene la Tusi Hmitrötr, ka troa qaja la eloine la hnei nyidrëti hna mec koi së. Hane kö cahu traeme hna sa, me hnë troa icasikeu hna qaja ngöne lai pepa.”

Ita Ne Thup Eiperem–Juun

“Xele hë së ma wange la kola lapaa isi. Ngo hapeu, tro kö a pë isi elany, ngöne la fene hnengödrai asë? [Nue pi troa sa.] Hane hi la hna hane qaja hnene la Tusi Hmitrötr. [E jë la Salamo 46:9.] Kola anyipicine hnene la itre ewekë ka traqa hmekune lo Pane Isi Ka Tru, me e thupene laka, easenyi hë tro Akötresieti a aeatrëne la itre hnei Nyidrëti hna thingehnaean, me apatrene palua la itre isi. Tro kö la zonale celë a qeje pengöne koi epun.”

Réveillez-vous! Eiperem

“Eahuni a pi ithanatane me epuni la ketre jole ka mama enehila thene la itre atr. Ame la itre xan, tre thatreine hë angatr xomihnine la itre jol, matre canga mekune ju hi angatr troa hnöjua. Ame la kola traqa koi angatr la itre mekune cili, tre ka xeci kö e kuhu hni angatr laka tro hë angatr a mec, maine angatre hi a ajane troa unatrije la hace ka eje thei angatr? [Nue pi troa sa.] Hane hi la ketre hna thingehnaeane hnene la Tusi Hmitrötr, nge ka troa xatuane la itre atr troa hetre mekune ka loi. [E jë la Hna Amamane 21:3, 4.] Kola troa amamane koi epuni hnene la zonale celë la köni kepin matre tro kö sa catre mel, ngacama easa cile kowe la itre jol.”