Ketre Aqane Cainöj Ka Hnyipixe
1. Nemene la nyine tro la itre ekalesia a kuca ngöne la itre götrane hna trongëne lapaane hnene la nöjei atr?
1 Hna up la itre ekalesia troa cainöje fë ilaulau maine présentoirs ngöne la itre götrane gaa tru, hna trongëne lapaane hnene la nöjei atr. Ngo ala casi la ka troa cil maine lapa hmekune lai présentoir, nge ala lue la ka troa cilë ilaulau. Nge loi e tro lai ka cilë ilaulau maine présentoir a kuca matre pi tro hi la itre atr a easenyi angeic. Maine hetre itus e cili hune lai présentoir hna xödrane hnei ketre, pane hnyingëne ju koi angeic ka hape, “Atre hi epuni la hna qaja hnei Tusi Hmitrötr?” Nge tro pë hë lai sine tronge i epun a cainöje koi itre xa atr me alamekëne fe lai présentoir.
2. Nemene la ka amamane la enyipiewekëne la troa cainöje fë présentoir?
2 Tru catre la itre ka nyiqaane ini Tusi Hmitrötr jëne la huliwa celë. Hnene la ketre jajinyi ka ini ngöne université hna thele la Itretre Anyipici Iehova, ngo pëkö Uma Ne Baselaia hnei angeic hna öhn. Ame lai ketre wiik, öhne ju hi angeice la lue ka cilë ilaulau ezine campus. Angeice pë hë a ini Tusi jë, me xomi bapataiso fe e thupen, nge angeice fe enehila a hane cilë présentoir.
3. Nemene la aqane goeëne hnei itre xa trejin la huliwa celë?
3 Önine la ketre trejine föe ka hane cainöje fë présentoir: “Itre xan a cile troa xome la itre zonale ka hnyipixe. Ame pena itre xan, ke angatre petre hi a hane atre ka hape, hetre Itretre Anyipici Iehova. Matre, easa ithanata memine la nöjei pengöne atr jëne lai huliwa celë.” Öni ketre: “Madrine catre ni la huliwa celë ka hnyipixe, pine laka itre atr a tro koi së, ke angatr a pi atre la hne së hna kuca.”
4. Hnauëne laka loi e casi pala hi la itre drai ne la wiik, me göhnë me hawa ne easa cile fë présentoir?
4 Loi e casi pala hi la itre drai ne la wiik, me göhnë me hawa ne easa cile fë présentoir. Ke tro hë la itre atr lai a majemi koi së, me canga tro koi së, me hnying maine sipo tusi pena. Ka hane fe kö epuni huliwane la présentoir? Haawe, ange catre pi kuca la huliwa cili ke jëne madrine lai, nge ketre aqane tro së lai a “cainöjëne la baselaia i Akötesie.”—Luka 9:60.