Cainöj Ngöne La Itre Göhnë Gaa Tru Atr
1. Tune lo itre Keresiano ne la hneijine i Iesu, nemene la aqane anyipicine hnene la itre Keresiano enehila, nge nemene la thangan?
1 Tune lo itretre drei Iesu ekö, itre Keresiano enehila a tro fë la maca ka loi ngöne la itre götran gaa tru atr. (Ite hu. 16:13; 17:17; 20:20, 21) Qa ngöne la hnei angatr hna catre cainöj ngöne la itre götran gaa tru atr, angatr a öhne lo itre atr ka paatre kö ngöne lo angatr a cainöj ngöne itre hnalapa trootro.
2. Pine u matre nyipi ewekë troa hetrenyi la wangatrehmekune ngöne la kola cainöje ngöne la itre götrane gaa tru atr, nge tro sa u matre troa eköthe hnyawa la huliwa ne la ekalesia?
2 Troa hetre wangatrehmekune e tro sa cainoje ngöne itre gaa tru atr. Tune la hna majemine kuca, loi e tro sa thele troa sihngödr koi itre atr. Drei la ceitun, maine ala nyimu pala ha la itre ka cainöj ngöne la göhnë ka caas maine itre hna saleme ka caa lapa, troa ajolëne la itre atr hnene la traqa lapaa së. Tro ha wanga acone la huliwa së, nge tro fe lai a hetre ethane kowe la huliwa ne cainöje së. Nemen la ka ijij matre thaa tro kö a traqa kow? Hna öhne la eloine kowe la ite xaa ekalesia troa thawa nyimutren la itre götrane cili matre itre teritoar koi ala caasi hi. (1 Kor. 14:40) Ketre, easa thele jëne troa eköthe hnyawa la ekalesia e hne së hna isa huliwane la itre teritoare ne la ekalesia së, ngo atreine fe tro sa hamë ixatua kowe la ketre ekalesia e hetrenyi la itre hna amekötin hnene la Kometr Ne Huliwa Ne La Ekalesia së troa xatuan la ketre ekalesia.—Wange ju la Huliwa Ne Baselaia ne Nofeba 1998 g. 6, par. 18-19.
3. Nemene la aqane nyiqane hna öhne hnei itre xaa ka cainöj, a ka hetre thangane ka loi e troa cainöj ngöne itre gaa tru?
3 Aqane Troa Ketre La Itre Atr: Ame lo Iesu a nyiqaane ithanata memine la föe ngöne la tim ka qeqe, tre, thaa qea kö, ngo ame la kola kökötre trootro la porotrik, ene pe kolo fe a mama la aja ka eje thei eahlo. (Ioane 4:7-26) Ka hetre thangane catre fe la aqane cainöje celë e itre xaa ijin. Kola mama kowe la itre xaa ka cainöje laka, maine easa ajane troa kepe thangane ka loi ngöne la huliwa ne cainöje ngöne la gaa tru atr, tre, loi e troa pane ibozu me angatr, me wanga atrune la aja i angatr qëmekene troa qaja la maca ka loi ne la Baselaia. Angatr a qaja la ketre ewekë ka traqa la drai cili, nge celë hi ka troa nyijëne porotrik, me ce thawa la itre mekun. Qatixenyëne hnyawa jë la itre atr a fe la itre hni angatr. Thaa qea kö nge drei hë la angatr a ithuecatrekeu jëne la Wesi Ula i Akötresie.—Rom. 15:4.
4. Nemen la aqane tro sa eën la aja thei itre atr?
4 Eëne Jë La Aja Ka Eje Thei Angatr: Ngöne la nöjei ijine tro loi la porotrike së, nyipi ewekë tro sa ce wai ijin troa akökötren la aja i angatr. Tro sa tune kaa? Ame hë la kola troa umuthe la ithanata, maine tro epuni a jelë la sine karene ne amekunën me hape: “Madrine catre ni la protrike so. Ijije kö tro nyiso a sisedrëne hmaca e ketre ijin?” Maine pena: “Eni a ajan tro nyipunieti a e la ketre ithuemacanyi ka lolo catr. Ijije kö tro ni a traqa fë koi epun maine jëne poosi pena lai hna cinyihan?” Ame itre xaa ka cainöj, tre, kolo hi a hape: “Nemene numero ne telefon tro ni a hë epuni ngön?” Kola mama laka lolo catr la aqane kapa la itre atr.
5. Nemene la mekun tro sa isi kow ngöne la easë a cainöj ngöne la itre götrane gaa tru atr?
5 Nyimutre la itre atr hna cainöje kow ngöne la itre gaa tru atr ka ajan troa inine la Tusi Hmitrötr. Itre ini lai hna kuca ngöne la hnalapa ne la atr, ngöne itre hna huliwa i angatr, ngöne itre hna mano gaa tru atr, maine jëne telefone pena. Loi e tro sa isin troa nyiqaane ini Tusi Hmitrötr ngöne la easa cainöje ngöne la itre götrane gaa tru atr.