Tro Sa Ithuecatrekeu Ngöne La Itre Huliwa Ka Loi

Kola upi së hnei Heberu 10:24 troa “imekunekeune mate troa aciane la ihnimi me ite huliwa ka loi.” Maine tro sa lapaun me amamai tulu ka loi, tro hë la itre trejine me easë a ixötrethenge kowe la itre huliwa ka loi. Haawe, hane ju ithanatane me itre xan la hnei epuni hna hane melën ngöne la hna cainöj. Amamane jë ka hape, hetre madrine së la easa huliwa i Iehova. Ngo tha tro kö sa kuca la itre huliwa nyine ahmahmanyi itre xan. (Gal. 6:4) “Ihnim me ite huliwa ka loi” la nyine troa aciane thei angatr, ngo tha hmahma kö. (Wange ju lo itus École du ministère, g. 158, par. 4.) Maine ihnimi la hne së hna aciane thei angatr, tro pë hë la itre huliwa ka loi tune la troa imeku, me catre cainöj a ixötrethenge.—2 Kor. 1:24.