Ka Hnëkë Hë Epun Koi Drai Ne Amekunën?

Ame lo drai 13 Nisan macatre 33, Iesu a wang atrehmekune ka hape, drai tixenuë i nyidrëti pe lai memine la itretre dreng, qëmekene troa humuthi nyidrë. Heji tixenuë lai ne tro angatr a ce atrune la Paseka, ke Iesu pena a troa acile lo Pui Ne Xeni Ne La Joxu. Ketre huliwa lai ka tru, ngo hnei Iesu hna upi Peteru hi me Ioane troa hnëkën. (Luka 22:7-13) Celë hi matre, loi e tro sa hnëkë e nöjei macatre, matre ijij tro fe sa hane sin la Drai Ne Amekunën. (Luka 22:19) Ngo nemene la nyine tro sa hnëkëne thatraqane la Drai Ne Amekunën e drai 3 Eiperem?

Hnëqa i Itre Qatre Thup:

Troa wang la aqane troa hnëkëne la Uma Ne Baselaia, maine ketre götrane pena ka loi thatraqane la Drai Ne Amekunën. Troa wang la etrune la itre icea, me laam, me thupëne laka, hetre jë i eny. Troa sipone troa canga nyihnyawane hnyawa lai hnë icasikeu.
Troa wang la itre trejin ka ijij troa cile fë cainöj, me cilëne la hnëqa ne ceaman, memine lo itre ka troa thith, me tro fë waina me areto.
Maine ka icasikeu la nyimu ekalesia ngöne la ca Uma Ne Baselaia, troa ce wang la hawa ne troa isa icasikeu, me hawa ne troa traqa me tro qa ngöne la hna icasikeu me hnë acili loto.
Troa iëne me athipi qan la itre ka troa ikep me tro fë areto me waina.
Troa wange la ka troa sa areto, me xomi waina, me peleitr, me verë waina, me laulau, me imaano, thenge la itre hna amekötin.

Hnëqa Ne La Ekalesia:

Akötrehnine jë troa hëne la itre atr kowe la Drai Ne Amekunën.
Fejane ju ngöne ipepa la itre ëjen la itre ka ini Tus, me itre sinee, me itre sine ini, me itre sine huliwa, me itre xane ju kö nyine tro sa hën.
E jë nge lapa mekune ju la itre mekene Tusi hna amekötine troa e ngöne la ijine hnëkë koi Drai Ne Amekunën.
Troa kapa la itre atr ka traqa troa hane sine la Drai Ne Amekunën.