Aqane Troa Maca Ngöne La Hna Cainöj—Ini Tusi Ngöne La Qene Qëhnelö Jëne La Boroshüre Itre Maca Ka LoLo Qaathei Akötresie!
Enyipiewekën: Maine easa ajane troa inine la itre atr, loi e tro sa maca troa hamë ini qa hnine la Wesi Ula i Akötresie. (Mat. 28:19, 20) Ijiji së asë hi troa hamëne la ini ne la nyipici, hnene la hna xome la itre jia ne huliwa hna hnëkëne thatraqai së. Hna kuca la boroshür Itre Maca Ka Lolo Qaathei Akötresie! matre troa xatua së troa inine la itre atr la nyipici. Ijije hi troa xome ej matre troa nyiqaane ini Tus memine la ketre atr, ngöne la kola xötrei cainöj koi angeic ngöne la qene qëhnelö.
Tupathe Ju Ngöne La Treu Celë:
Sipone jë ngöne la thith matre troa nyiqaane ini Tus. Ketre, sipone ielene jë koi Iehova troa xatua së matre tro sa öhne la itre atr ka pi ini tus, nge matre tro fe së a atreine hamë ini.—Fil. 2:13.
Ame ngöne la ijine hmi ne la hnepe lapa, maine ngöne la easa sipu inine la Tusi Hmitrötr, xomi ijine jë troa amacane me inine la itre aqane nyiqaane ithanata. Tha tro hë epuni lai a xou troa ithanata me nyiqaane ini Tus ngöne la qene qëhnelö.