Itre Nyine Amekunën Göi Asabele Ka Tru

Hne së pala hi hna tun ngöne la itre ijine asabele. Easa nue troa eatrongë së hnene la ihnimi së koi Akötresie me kowe la itre atr. (Mat. 22:37-39) Kola qaja ngöne la Pane tusi Paulo koi angetre Korinito 13:4-8, la aqane huliwa la ihnim, kola hape: “Ihnimi la ate xome ahoeane me ka menyik. . . . Tha thina ka qali kö, tha ate thele ewekë i nyëne kö. . . . Tha tro kö a ase la ihnim.” Ame la epuni a goeëne la video hna hape, Itre Nyine Amekunën Göi Asabele Ka Tru, mekune jë la aqane tro epuni a amamane la ihnimi epuni kowe la itre atr ka troa hane sine la asabele.

TUNE KA LA AQANE TRO SA AMAMANE LA IHNIMI SË . . .

• ngöne la easë a ië göhnë?

  

• ngöne la kola amë la miuzik ne ­nyiqan?

  

• la easë ngöne la itre uma hne së hna lapa ngön?

  

• ngöne la easa ixatua ngöne la ijine asabele?