Itre Thöthi Fe, Catre Pi “Huliwa Kowe La Loi”

Ame ngöne la tusi Paulo koi Tito, hnei angeic hna ithuecatre koi Tito memine la itre xaa thupëtresij. Öni angeic, ame “ngöne la nöjei götran asë, amamai tulu jë göi itre huliwa ka loi.” (Tito 2:6, 7) Ame ngöne la mekene 2, öni Paulo, Iesu a awiëne la itre hlue i Iehova matre troa “catre huliwa kowe la loi.” (Tito 2:14) Ame la ketre aqane troa huliwa kowe la loi, tre, ene la troa cainöj, me inine kowe la itre atr la Baselaia i Akötresie. Maine epuni la ketre thöth ka egöcatr, ijiji epuni kö troa xome la huliwa ne pionie ka ixatua, maine pionie lapa?—Ite edomë 20:29.

Maine aja i epun troa pionie, haawe, thele jë la aqane tro epuni a traqa kowe lai. (Luka 14:28-30) Nemene la aqane tro epuni a thupëne la mele i epun ngöne la epuni a pionie? Nemene la aqane tro epuni a eatrëne la itre hawa? Sipo Iehova jë troa xatua epun. (Sal. 37:5) Ithanatane jë la itre hnei epuni hna axeciëne memine la keme me thine i epun, maine itre pionie ka macaj. Thupene lai, thele jë troa eatrëne la mekuna i epun. Tro kö Iehova a amanathithine la itre trengecatre hnei epuni hna nu ngöne la huliwa i Nyidrë!

GOEËNE JË LA VIDEO ITRE THÖTH KA ATRUNYI IEHOVA, NGE SA JË CAHU ITRE HNYING:

• Nemene la itre jol hnei angatr hna cile kow matre troa pionie? Nge nemene la hnei angatr hna kuca?

• Nemene la aqane tro la itre keme me thine a xatuane la itre nekö i angatr ka ajan troa xome la huliwa ne pionie lapa?

• Pine nemene matre nyipiewekë troa eköth la ketre porogaram ne cainöj?

• Nemene la aqane tro la itre atrene la ekalesia a ithuecatr, me xatuane la itre pionie?

• Nemene la itre manathith hna kapa hnene la itre pionie?