Troa Atrunyi Iehova Jëne La Huliwa Ne Pionie

Hetre kepin matre tro la angetre Isaraela a atrunyi Iehova. Hnei Nyidrëti hna thepe angatr qa Aigupito me amele angatr qëmekene la trongene isi Farao! (Es 15:1, 2) Enehila palahi, Iehova a hnim la nöje i Nyidrë. Tro sa amamane tune ka la ole së koi Nyidrë?—Sa 116:12.

Tro sa amamane la ole së koi Nyidrë, e tro sa xom la huliwa ne pionie lapa maine pionie ka ixatua. Thithi jë koi Akötresie matre troa hamë epun la aja me trengecatr troa pionie. (Fi 2:13) Alanyim la itre ka nyiqane xom la huliwa ne pionie ka ixatua. Ame ngöne la treu Maac me Eiperem, maine ngöne la ijine kola iwai hnene la atre thupëne la sirkoskripsio, ijiji epuni troa 30 maine 50 lao hawa. Ame hë la epuni a öhne la madrin ka ej thene la itre ka pionie, ma tro fe epuni lai a pi xom la huliwa ne pionie lapa. Hnene fe la itre trejin ka huliwa koi maseta drai pexej, maine ka wezipo hna hane xom la huliwa ne pionie lapa. (mwb16.07 8) The luelue kö laka, tha ka gufa kö la itre trengecatr hne së hna nue troa atrunyi Iehova!—1Aq 16:25.

GOEËNE JË LA VIDEO KÖNI TREJIN FÖE QA MONGOLIE, NGE SA JË CAHU ITRE HNYING:

• 

  Nemene la itre jol hna cile kow hnene la köni trejin föe matre troa xom la huliwa ne pionie lapa?

• 

  Nemene la itre manathith hnei angatr hna kapa?

• 

  Nemene la itre xa huliwa hna fe gojenyine koi angatr hnene la huliwa ne pionie lapa?

• 

  Nemene la thangane koi itre xan la tulu i angatr?