Ajane Iehova La Itre Atr Ka Porop

“Tro jë wasi wanakoim! Tro jë nyidrawane la hnahage i eö! Tro jë bale! Tro jë si!” Itre keme me thin a inine kowe la itre nekönatr la aqane tro pala hi a porop. Qaathei Iehova, Akötresie ka hmitrötr la itre ini göi troa porop. (Eso. 30:18-20; Deu. 23:14; 2 Kor. 7:1) Ame la kola porop la ngönetrei së, me itre ewekë së, easa atrunyi Iehova. (1 Pet. 1:14-16) Nge, tune kaa la hnalapa së, me itre ka lapa xötreithi së? Tha itre keresiano kö a tritrije menune la itre salite e cahu gojenyi maine ngöne la itre park. Angatre pe a kuca la hnei angatr hna atreine matre tro pala hi a porop la ihnadro. (Sal. 115:16; Hna ama. 11:18) Kola mama ngöne la easa trij la itre pepa ne bobo, me itre mook, me itre trasa, la enyipiewekëne koi së troa porop. Ame ngöne la nöjei götrane la mele së, aja së troa “amamane laka, itre ka huliwa i Akötresieti [së].”—2 Kor. 6:3, 4.

GOEËNE JË LA VIDEO AJANE AKÖTRESIE LA ITRE KA POROP, NGE SA JË CAHU ITRE HNYING:

• Nemene la aqane thele kepin la itre xan matre tha tro kö a aporopëne la itre ewekë i angatr?

• Nemene la hna amamane hnene la Trenge Wathebo i Mose göne la aqane goeëne Iehova la troa porop?

• Nemene la aqane tro sa atrunyi Iehova, nge pëkö hne së hna qaja?