Aqane Troa Maca Ngöne La Hna Cainöj—Troa Ithanata Hmekune La Aja Ne La Atr

ENYIPIEWEKËN: Itre hna iën, memine la itre xaa mamoe a hëne la nöjei atr matre troa xome “la timi ne mel ka pë thupen.” (Hna ama. 22:17) Ame la timi celë, tre, kola nyihatrene la itre hna hnëkëne hnei Akötresie matre troa thapa la itre atr ka idrengethenge qa ngöne la ngazo me mec. Maine aja së troa xatuane la itre atr ka hetre hmi ne hë, maine ka isa hetre qenenöje hë, nyipiewekë tro sa thue aja i angatr isa ala cas kowe la “maca ka loi nge ka epine palua.”—Hna ama. 14:6.

AQANE TROA KUCA:

• Iëne jë la ketre mekun, me ketre xötr ka troa ketr la hni ne la atr ne la teritoare i epun. Iëne jë la ketre tulu ne aqane ithanata, maine ketre ithanata hnei epun hna majemine qaja matre troa thue aja kowe la atr troa porotrik. Nemene la itre mekun, me itre xötr hna pi ithanatane hnene la itre atr? Hetre nuvel kö hna majemine porotrikëne hnene la itre atr? Nemene la ka troa thue aja kowe la trahmanyi maine föe?

• Pane ibozu jë memine la atr, nge qaja jë la hna majemine qaja ngöne la götrane hnei epun hna mele ngön.—2 Kor. 6:3, 4

• Loi e tro epun a atre hnyawa la itre itus, me itre video ka mama ngöne la Hnë Ami Tusi Së, matre hmaloi troa amamane kowe la atr ka ajan

• Télécharger jë la itre ithuemacanyi ngöne la itre qene hlapa hna ithanatane hnene la itre atr ne la teritoar

• Loi e tro epun a saze la hnei epun hna hnëkë matre troa ihmeku memine la ajan ne la atr. (1 Kor. 9:19-23) Nemene la nyine tro epuni a qaja kowe la atr, e atre i epun ka hape, hna mec la ketre atrene la fami angeic?

GOEËNE JË LA VIDEO, NGE THUPENE LAI, SA JË CAHU ITRE HNYING:

• Nemene la mekun hna nyiqaane ithanatane hnene la atre cainöj memine la atr?

• Nemene la ewekë ka traqa ngöne la mele ne la atr?

• Nemene la xötr ka ihmeku memine la aja ne la atr ngöne la ijine cili, nge pine nemen?

• Nemene la aqane tro epuni a saze ithanata matre troa ihmeku memine la aja ne la atr ne la teritoar?