Aqane Troa Trofë La Maca Ne Iamele Matre Hetre Thangan
1 Hnei Paulo aposetolo hna trofë la Maca Ka Loi cememine la wangatrehmekun. Celëhi matre troa hetre thangane la huliwa së e hne së hna isine troa trotrohnine la aliene ne la mekune ne la atr me hnëkëne la itre ixatua koi angeic, thenge lai aja i angeic. Thupene lai, tha ketre nyipi jole kö, tro së a hamëne La Tour de Garde me Réveillez-vous! maine ca boroshür.
2 Thupene la hna ibozu, ke, qaja ju ka hape:
◼ “Alanyimu la itre atr ka xelë hë ma mejiune laka, atreine la itre baselaia ne fene troa hamëne la sipu nyine la itre jole ne la atr enehila. Itre xan’a upezöne la itre baselaia, la itre hace i angatr. Hapeu, nemene fe la hnei epuni hna hane mekun, atreine kö la ketre baselaia troa hamë nyine la nöjei aja së? [nue pi troa sa.] Atre fe hi epuni laka, hetre baselaia hna thingehnaeane ka troa apatrene asë hi la itre hace hne së hna qëmeke kow enehila? Drenge hnyawane ju la hna troa sa. Loi e tro palahi së a canga sa hmekune lai hnei angeice hna qaja, me huliwaane la casi qangöne la itre aqane nyiqaane ithahnata ka isa pengön.
3 Maine easë a wangatrehmekun, ngöne la kola ithahnata hnene la ketre atr, laka ka hmi angeic, ke, hnyingë angeice ju ka hape, angeice kö a hane qaja lo thith: “Tretretro i anga nyihunie”. Nge maine ejehi, ke, qaja ju la tulu ne thith utihë lo kola hape: “Jiniati e hlepëti pi la Baselaia i enëtilai! Longëtine jë la hanengë i enëtilai e celë fewatine axajanëti e kohoti hnengödrai.” (Mat. 6:9, 10). Kola amamane hnyawa laka troa traqa la musi Iehova e celë fene hnengödrai. Wange ju la ketre mekune ka ihmeku, me ka ijije qa hnine La Tour de Garde maine Réveillez-vous! maine qa hnine la ketre boroshüre ka qaja atrune lai mekun, lo götrane 3 ne Epi thatraqai nyipunie la mel ka tha ase palua kö e celë fene hnengödrai!
4 Maine ka tha lapaune kö koi Akötresie, ke, amamane ju la Heberu 3:4 nge fe jë ngöne la götrane 4 ne la boroshur Dieu se soucie-t-il vraiment de nous? e jë la paragarafe 1 me 2 nge huliwane ju lai hnyinge ngöne lai pepa. Maine ce ithahnatane ju pena memine la ketre hna cinyihane ka ijij ne la ketre zonale hna xötrei kapa.
5 Maine pëkö hna seseune hnene la atr ngöne la mele i angeic, ke hnyingë angeice ju ka hape:
◼ “Nemene kepine matre easë a wangatrune la hnei Tusi Hmitrötre hna qaja göi Baselaia hnapin?” Thupene lai, tro së a qaja ju la ketre ithuemacanyi qa hnine la itus Comment raisonner götrane 175, amamane la casi maine nyimu kepine qa ngöne lo lai 8 hna hamë së. Maine hmala hi angeice troa drei së, ke, amamane ju la tarak Le monde actuel suvivra-t-il?, me ithahnatane la paragarafe götrane 2, matre sisedrëne lai ithahnata.
6 Tha tro jë kö a hnyapa la ajane la atr kowe la ketre ijine iwai hmaca, e tha hne së kö hna huliwa hnyawa lo kola xötrei iöhny. Qangöne lai, loi e tro palahi së a amë pe la ketre hnyinge me isapui troa sa la hnyinge cili e ketre ijine iwai hmaca.
7 Ngöne caha itre ewekë nyine troa huliwaan, ke, loi e tro së a iëne la hne së hna mekun, ka hmaloi troa ithahnatan. Huliwaane jë la itre ixatua celë ngöne la götrane së. Nyipi ewekë tro së a atre hnyawa la aliene la itre boroshür, me itre tarak, me itre mekune qa hnine la itre zonale hne së hna troa huliwaane hnyawa, matre xatuane la itre aja ne la atr. Celë hi matre, loi e tro së a hnëkëne hnyawa palahi la itre aqane nyiqaane ithahnata së “pine la Maca ka Loi” nge matre hetre thangane ngöne la maca ne iamele. — 1 Kor. 9:23.