Wange Kö, Ke, Iqajakeune Pi La Itre Ithuemacanyi Ka Thoi

Ame enehila, saqe hi së iupi fë la itre ithuemacanyi ka thoi kowe la itre milio lao atr jëne pepa, maine radio, maine tele, maine Ëternet. Tha ajane kö la itre ka nyihluene la “Akötesieti ka nyipici” troa tro fë la itre ithuemacanyi ka thoi, ngacama tha hna thë kö. (Sa 31:5; Es 23:1) Ijije hi tro sa akötrë ketre, e tro sa iqajakeun la itre ewekë, nge tha ka nyipici kö. Maine epuni a thel troa jelenyipicine la ketre ithuemacany, pane hnyinge jë ka hape:

• ‘Qathei drei?’ Maine jë, ame la ka qaja la ewekë cili koi epun, thatre kö angeic la itre xa ewekë ka traqa. Ame la kola iqajakeun la ketre ewekë, ke, itre xan fe a atrun. Thupëne hnyawa kö, e thatre kö epun la atr ka pane qaja lai. Ame la itre ithuemacanyi hna qaja hnene la itre trejin ka cilë hnëqa ngöne la ekalesia, ke, itre ka nyipici, nge nyine mejiune kow. Matre, tha tro pi kö angatr a tro fë la itre ithuemacany, e tha hna pane thel ka hape, ka nyipici kö.

• ‘Tha kolo kö lai a ixöjetrij?’ Maine kola qaja angazonyi ketre, tha tro kö a iqajakeun.—Ed 18:8; Fi 4:8

• ‘Ka nyipici kö?’ Maine öhne hi epun ka hape, hna atrune palaha la hna qaja, ma tha ka nyipici kö lai.

GOEËNE JË LA VIDEO HNA HAPE, THE LAPA IQEJ!, NGE SA JË CAHU ITRE HNYING:

• 

  Thenge la hna qaja ngöne Ite Edomë 12:18, nemene la engazone la itre trenge ithanata?

• 

  Nemene la aqane xatua së hnei Filipi 2:4 la easa qeje ketre?

• 

  Nemene la nyine tro sa kuca la kola nyiqane hnyimasai ketre maine ixöjetrij?

• 

  Qëmekene tro sa qeje ketre, nemene la nyine tro sa kuca?