Hatrene Ihnim La Troa Metrötrëne La Ihaji Qaathei Iehova

Ame la kola upetröneë la ketre, ke, göne matre troa thupëne la ekalesia, me hajine la trejin ka xele ma ietra. (1Ko 5:6, 11) Ame la easa metrötrëne la hna amekötine celë, easë hi lai a amamane la ihnimi së. Ngo ame pe, ewekë lai ka akötrëne la fami, memine la itre qatre thup ka nyiatrene la komite ne iameköti. Hnauëne hö la easa qaja ka hape, hatrene ihnim?

Pine laka, ihnimi së lai kowe la ëje i Iehova, memine la ehmitrötre i Nyidrë. (1Pe 1:14-16) Ketre hatrene ihnimi fe kowe la atr hna upetröneë. Ngacama angeic a akötr, ngo kola aciane “la wene ne la tingeting, ene la meköt.” (He 12:5, 6, 11) Maine tro palahi sa ce tro memine la atr hna upetröneë maine ka trotrije la ekalesia, easë hi lai a cil kowe la ihaji Akötresie. The thëthëhmine kö laka, Iehova a amekötine la itre hlue i Nyidrë “thenge la meköt.” (Ie 30:11) Maine tro sa metrötrëne la ihaji qaathei Iehova, me acatrene la aqane imelekeu së me Nyidrë, ame e ketre ijin, tro hmaca kö la hna upetröneë a bëeke kowe la ekalesia.—Is 1:16-18; 55:7.

GOEËNE JË LA VIDEO HNA HAPE, TROA MELE NYIPICI MEMINE LA HNI KA PEXEJ, NGE SA JË CAHU ITRE HNYING:

• 

  Tune kaa keme me thin la kola trotrije la ekalesia hnene la nekö i nyidro?

• 

  Nemene la aqane tro la ekalesia a xatuane la fami ne la hna upetröneë?

• 

  Nemene la hna melëne e hnine la Tusi Hmitrötr ka amamane la enyipiewekëne troa mele nyipici koi Iehova hune la sipu fami së?

• 

  Nemene la aqane tro sa isa amamane laka, ka tru Iehova koi së hune la sipu fami së?