Ië Iehova Jë

Maine eö la ketre nekö trahmany maine jajiny, maine ka ini Tus pena, ase kö eö mekune troa xomi bapataiso? Nemene la ka troa upi eö? E tro sa nue la mele së koi Iehova me xome la bapataiso, ketre pengöne hë la aqane imelekeu së me Iehova. (Sa 91:1) Nge, celë hi ka troa amele së elany. (1Pe 3:21) Ngo, tro eö a traqa tune kaa kowe la bapataiso?

Loi e xecie hë koi eö ka hape, eö ngöne la nyipi hmi. Maine hetre itre hnei eö hna pi atre hnyawa, ithele jë. (Ro 12:2) Wange jë ka hape, nemene la hnei eö hna troa saze ngöne la mele eö, nge saze pi. Eö lai a troa kuca la itre ewekë cili, ke eö a ajane troa amadrinë Iehova. (Ed 27:11; Ef 4:23, 24) The mano kö sipo ixatua koi Iehova jëne la thith. Nge eje hi laka, tro Nyidrëti a acatrenyi eö me aegöcatrenyi eö jëne la uati hmitrötre i Nyidrë. (1Pe 5:10, 11) Catre pi, tha ka gufa kö lai, ke pë hmaca ju kö ketre mele ka sisitria hune la troa nyihlue i Iehova!—Sa 16:11.

GOEËNE JË LA VIDEO GOJENY KOWE LA BAPATAISO, THUPENE LAI SA JË CAHU ITRE HNYING:

• Nemene la itre jol hna cile kow hnene la itre xan, qëmekene troa bapataiso?

• Nemene la aqane tro eö a acatrene la lapaune i eö matre, troa nue la mele i eö koi Iehova?

• Nemene la ka xatuane la itre xan matre bapataiso jë angatr?

• Nemene la aqane amanathithine Iehova la itre ka nyihlue i Nyidrë?

• Kola hapeu la troa nue la mele së koi Iehova, me xomi bapataiso?