ITRE TRENGAMO QA HNINE LA TUSI HMITRÖTR

“Tro Palahi La Hning a Ej e Cili”

Hnei Iehova hna iën la uma ne hmi thatraqai Nyidrë (2Aq 7:11, 12)

Ame la Iehova a qaja ka hape, tro palahi la hni Nyidrë a ej e cili, ke kolo hi lai a hape, ka nyipiewekë koi Nyidrë la nöjei ewekë hna kuca e hnine la uma ka xome la ëje i Nyidrë (2Aq 7:16; w02-F 15/11 5 par. 1)

Maine tro la angetre Isaraela a nuetrije la itre Wathebo i Iehova hnene la “hni angate ka pexej,” ke tro Iehova a apatrene la uma ne hmi (2Aq 6:14; 7:19-21; it-2-F 1048 par. 5)

Iatr: Itre igötranene la hmi. 1. Ketre trejin trahmany a thith. 2. Ketre trejin föe a hamë mekun ngöne la hnë icasikeu. 3. Lue trefën a ce cainöj. 4. Ketre trejin trahmany a nyidrawane la Uma Ne Baselaia. 5. Ketre trejin trahmany a kuca la hmi ne fami memine la föe i nyidrë me lue nekö i nyidro. 6. Ketre trejin föe a e Tusi Hmitrötr. 7. Ketre trejin föe a kuië mani hnine la trengene mani.

Ame lo ijine kola atrune la uma ne hmi, maine jë hnene la angetre Isaraela hna mekun ka hape, tro palahi a ej la hni angatr ngöne la uma cili. Ngazo pe, nanazije trootro ju hi la aja i angatr troa nyihlue i Iehova.

ISA HNYINGE JË KA HAPE, ‘Nemene la ka amaman laka, eni a huliwa i Iehova hnene la hning ka pexej?’