MELE NE KERESIANO
Goeë Së Jë Tui Iehova
“Iehova a madine la nöjei ate i nyidë.” (Sa 149:4) Ngacama itre ka tha pexeje kö së, ngo öhne kö Iehova la itre thiina së ka loi, me itre hne së hna atreine kuca. Ame itre xaa ijin, jole koi së troa wangaloinyi së, ke hnei itre xan hna majemine thaipië së. Maine pena, easë palahi a mekun lo itre tria hne së hna kuca ekö, matre ame koi së, tha ijiji Iehova kö troa hane hnimi së. Nemen la ka troa xatua së, e tro sa mekune tun?
The thëthëhmine kö laka, öhne hi Iehova la itre ewekë ka tha mama kö koi atr. (1Sa 16:7) Kolo lai a hape, atrepengöi easë hnyawa hnei Iehova hu së kö. Eloine pe, Tusi Hmitrötr a xatua së troa trotrohnine la aqane goeë së hnei Iehova. Haawe, tro sa öhne lai, e tro sa e la itre xötr me itre hna melën ka amamane ka hape, tru catre la ihnimi Iehova kowe la itre hlue i Nyidrë.
GOEËNE JË LA VIDEO HNA HAPE, AHMALAN JË LA HNI SË QËMEKE I IEHOVA, NGE SA JË CAHU ITRE HNYING:
Nemen la ini hne së hna xom qa ngöne la ceitun la nekönatr ka nyap me kem i angeic, göne la aqane goeë së hnei Iehova?
Maine tro la ketre atr ka kuca la ketre ngazo ka tru, a ajane troa aloine hmaca la imelekeu i angeic me Iehova, tune kaa la aqane tro angeic a ahmalane la hni angeic qëmeke i Nyidrë?—1Ine 3:19, 20
Hnene la trejin hna kepe thangane tune kaa la hnei angeic hna e me lapa mekun la hna melën hnei Dravita me Iehosafata?