Nyine Ithel

Itre Tane Mekun Me Video Kowe La Itre Nekönatr

Hnëqa ne la itre kem me thin troa inine la itre nekö i angatr la pengöi Iehova. (Efe. 6:4) Matre, hnene la organizasio i Iehova hna kuca la itre tane mekun, itre video, itre nyima me itre xaa ewekë ju kö, nyine xatuane la itre kem me thin. Haawe, tune kaa la aqane tro epun, itre kem me thin a huliwane itre ej?

• Tro jë ngöne JW.ORG. Ame ngöne la site hun, tro epuni a öhne la itre hna kuca thatraqane la itre jeune, tune la itre video me itre nyine e.a Tro epuni a öhn itre ej, e tro epuni a makëne ngöne la hnë ithel ka hape, “Nekönatr” maine “Itre Jeune.”

• Iëne jë la itre video maine itre tane mekun ka troa ketr la hni ne la itre nekö i epun. Fene la hna hape, “Nekönatr” iëne jë la itre video maine itre tane mekun, ka ihmeku memine la hna ajane hnene la nekö i epun. Tro epuni a öhne la itre xan, e tro epuni a makëne ngöne la hnë ithel ka hape, “Hmi Ne La Fami.”

• Ce lapa jë me nyudren. Ame la itre video, ke tha nyine tro kö a amamane kowe la itre nekö i epun, matre tro nyudren a lapa hnyawa, me aijijë epun troa kuca la itre xaa jol. Loi e tro pe epun a huliwane la itre video me itre tane mekun ngöne la sit, matre porotrik me nyudren, me acatrene la aqane imelekeu i nyudren me Iehova.