Catre Jë e Tusi Hmitrötr e Nöjei Drai

Tru pala ha la itre jole së, matre ame itre xaa ijin, thatreine kö së e Tusi Hmitrötr e nöjei drai. (Ios. 1:8) Ame e cili, kuca jë la hna qaja e cahu:

• Ami alarme jë. Amë jë la ketre alarme ngöne mobilis matre amekunë epun troa e Tusi Hmitrötr.

• Amë amamane jë la Tusi Hmitrötre i epun. Maine epuni a e la Tusi Hmitrötr hna fejan, amë jë ngöne la ketre götrane ka mama.​—Dreut. 11:18.

• Drenge ju la itre xötre ne Tusi Hmitrötr hna enregistré. Drenge ju la epuni a kuci jol. Öni Tara, ketre thin ka pionie, nge ka huliwa jidr ka hape, “Ame la eni a dreng la Tusi Hmitrötr hna enregistré ke, kola xatua ni troa e Tusi Hmitrötr e nöjei drai.”

• Catre jë. Maine tha e Tusi Hmitrötre ju kö epun enehila, isine jë troa e la itre hnepe xötr qëmeken troa meköl. Tro lai a hetre thangan koi epun, ngacama tha tru kö la hna e.​—1 Pet. 2:2.