Loi e Troa Eköth La Ketre Porogaram Ka Lolo Kowe La Fami
1 Ame ngöne la cainöje i Iesu hune la Wetr, hnei nyidrëti hna xatuane la itre atr ka drei nyidrë ka hape: “Ngo pane thele jë nyipunie la baselaia i Akötesie, me thina ka meköti anganyidë.” (Mat. 6:33) Ame la ketre aqane troa eköthe hnyawa la itre huliwa thatraqane la fami matre troa amë panëne pala hi la itre ewekë ngöne la götrane la ua, tre, ene la troa cinyihan la ketre porogaram. Xome jë la itre hnepe menetr matre troa eköth la sipu porogarame ne la fami i epun göne la wiik; xome jë la götrane 6 ne la sinecetrone celë. Ame itre xaa fami, tre, angatr a thupa la itre pepa me afedren ngöne la porogarame i angatr.
2 Hna hnëkëne cahu porogaram ka thaa jole kö matre troa xatua epuni troa isa kuca la porogarame ne la fami i epun. Tro epuni a öhne laka kolo hi lo foa lao huliwa ka nyipi ewekë catr: (1) troa sin la itre icasikeu ne la ekalesia, (2) kola cainöje trootro hnene la fami, (3) ini tus ne la fami, me (4) topike ne la drai. Maine tro epuni a amë itre eje hnine la porogarame i epun, tro ha xatua epuni troa “tupathe hnei nyipunie la nöjei ewekë ka isa pengöne kö.” (Fil. 1:10) Hetrenyi la itre xaa mekune nyine ixatua hna hamën göne lai foa lao ewekë cili, ngöne la götrane 4-5.
3 Thaa tro hmekuje kö a amë lai foa lao ewekë ngöne la porogaram ne la fami i epun. Maine epuni a ce hnëkën memine la fami i epun la itre xaa icasikeu, makëne ju ngöne la porogarame i epun. Maine epuni a e la ketre götrane ne la Tusi Hmitrötr thupene la hna ce goeëne la topike ne la drai maine hna kuca pena lai ngöne la ketre hawa, siji hatrene ju ngöne la porogaram. Maine epuni a troa pane madrin, amë ju fe lai hnine la porogarame i epun.
4 Eköthe jë la porogarame i epun, thenge la itre hna ajan me mele ne la itre atrene asë la hnepe lapa. Loi e tro pala hi a wang la aqane trongene la porogarame i epun, me saze e hetre nyine troa saze.
[Iatr ne la götran 3]
(Wange ju la itus)
Porogaram Ka Thaa Jole Kö Kowe La Fami
[Iatr ne la götran 6]
(Wange ju la itus)
Porogaram Ne La Fami