Tune Kaa La Aqane Trongene La Ini Tusi Hmitrötr Memine La Itre Temoë Iehova?
Itre Temoë Iehova a hamë epun la ketre aqane inine la Tusi Hmitrötr ka hmaloi troa trotrohnine. Tro la aqane ini tusi cili a xatua epun troa:
Madrine ngöne la mele i epun
Nyi sine i Akötresie
Atre la itre hna thingehnaean göne la itre drai elany
Ame celë tro epuni lai a öhne la
Tune kaa la aqane tro ni a ëskri matre tro ni a hane ini Tusi Hmitrötr?
Maine tro ni a nyiqane ini Tus, kolo kö lai a hape ketre Temoë hë ni?
Ijije kö tro ni a ini Tusi cas? Nemene la aqane tro ni a kuca?
Nemene La Aqane Trongene La Ini Tusi Epun?
Tro la ka ini tusi me epun a xatua epun troa majemine huliwane la Tusi Hmitrötr jëne la itre tane porotrik. Tro la ini tusi epun hna nyitrepene hnene la itus Gojeny Kowe La Nyipi Mel a xatua epun troa inine trongëne la itre ini qa hnine la Tusi Hmitrötr. Maine epuni a aja itre xaa ithuemacany, ke goeëne jë la video celë.
Hna nyithupene kö la kola ini Tusi Hmitrötr?
Waea. Itre Temoë Iehova a xötrethenge la hnei Iesu hna qaja kowe la itretre drei nyidrë: “Ase hë nyipunie kapa gufan, hamëne gufane pi fe.” (Mataio 10:8) Nge Ketre ka pë thupen la itus Gojeny Kowe La Nyipi Mel memine la Tusi Hmitrötr.
Kola ini Tusi Hmitrötr koi ije hawa?
Ka 60 lao tane ini e kuhu hnine lo lai tus. Qanyi ease kö iëne la drai me traem troa ini tus. Alanyimu la itre ka ajan troa aca ini tus ngöne la wiik.
Tune kaa la aqane tro ni a ëskri matre tro ni a hane ini Tusi Hmitrötr?
1. Nyialiene jë la pepa ne ëskri ngöne la site. Tro hi huni a huliwane la itre ithuemacany göi epuni matre hamëne kowe la ketre Temoë matre troa ini tus me epun.
2. Tro la ketre Temoë a wai epun. Tro angeic a amamane koi epun la aqane trongene la ini tus, me sa la itre hninge i epun.
3. Tro kö epuni a ce wange memine la ka ini tus me epun la aqane trongen la ini. Ijije hi tro epuni a ini tus ngöne la hnalapa i epun, maine ketre götran, jëne telefon, jëne apel video, jëne tus, maine e-mail. Hna mejemine kuca la itre ini tus koi ca hawa, ngo ijije hi troa ahopatrëne maine aqean thenge la aja i epun.
Ijije kö tro hi ni a pane nyiqane porotrike?
Ijije hi. Nyialene jë la pepa ne sipo ngöne la site. E hë epuni jë hnene la ketre Temoë, ke canga qaja jë ka hape epuni hi a pane troa porotrik matre wang ka hape ka lolo kö. Tro hi epuni a pane nyiqane porotrikëne lo lai köni pane ini ngöne lo lai boroshür Göjeny Kowe La Nyipi Mel.
Maine tro ni a nyiqane ini Tus, kolo kö lai a hape ketre Temoë hë ni ?
Waea. Ajane catre la itre Temoë Iehova troa inine la Tusi Hmitrötr kowe la itre atr, ngo tha angatr kö a musinë epun troa saze hmi. Cememine la metrötr angatr a amamane la itre ini qa hnine la Tusi Hmitrötr, nge angatr a mekun laka isa qanyi ease kö iën la hmi së.—1 Peteru 3:15.
Ijije kö tro ni a xome la sipu Tusi Hmitrötreng?
Ö, ijije hi tro epuni a xome la sipu Tusi Hmitrötre i epun . Ngacama itre Temoë Iehova a huliwane la Tusi Hmitrötr Fene Ka Hnyipixe, ke ka hmaloi hi troa trotrohnine nge ka nyipici, ngo trotrohnine hi angatr laka alanyimu la itre ka ajan troa xome la Tusi Hmitrötr hnei angatr hna majemi kow.
Ijije kö tro itre xan a hane sine la ini Tusing?
Ö, ijije hi tro epuni a hëne la fami epun me itre xaa sine i epun.
Ka ini Tusi hë ni ekö? Ijije hmaca kö tro ni a ini Tus?
Ijije hi. Tro epuni lai a madrin troa ini tusi hmaca memine lo itus ka hnyipixe, ke ka ihmeku hnyawa memine la itre aja ne la itre atr enehila. Tha tune hmaca kö ekö, ke ame hë enehila easë pëhë ce porotrik.
Ijije kö tro ni a ini Tusi cas? Nemene la aqane tro ni a kuca?
Ngacama alanyimu la itre ka ini me ketre Temoë ngo hetre itre xane kö ka ajan troa ini Tusi cas. Ame ngöne la götrane Outils d’étude de la Bible hetreny la itre itus me itre video ka troa xatua epun ngöne la aja i epuni cili. Hane hi la itre xaa ka troa xatua epun:
Vidéos bibliques. Itre video ka hopatre hi, ka sa la itre hnying ka tru.
Questions bibliques. Kola sa la itre hnying göi Tusi Hmitrötr.
Que veulent dire ces versets? Kola qejepengöne hnyawane la aliene la itre xaa xötr me itre xaa hnaewekë.