Troa Hetre Mekune Nyine Troa Traqa Kow Ngöne La Easë a Iwaihmaca
1 Loi e tro epuni a thelejëne troa amamane la ketre mekene tusi ngöne la epuni a iwaihmaca, matre troa nyixane la atrehmekune ne lai atr ngöne lo taane la Tusi Hmitrötre hnei epuni hna ithahnataane hë.
2 Ame la ketre mekune nyine troa traqa kow ngöne la kola iwaihmaca göne la itre zonale hna troa hamën, ke, ene la troa acile la ketre gojenyi zonal. Troa hetre thangane ne la ketre aqane trofë celë ka tha jole kö:
“Eni a mejiune laka hnei nyipëti hna kapa madrine la hna cinyihane hnine La Tour de Garde lo hnenge hna amë pe, ka qejepengöne la kepine matre loi e tro së a xoue Akötresie. Ame enehila, eni hmaca a traqafë la ketre hna cinyihane hnine la Réveillez-vous! kola hnyinge ka hape, ‘Pine nemene matre ka xoxopatrehi la mel?’ Nyipici kö laka, ketre hnyinge ka tru alien?” Epuni pëhë a sisedrëne ju, me qaja ka hape: “Hnene la itre trenge ewekë i Iesu ka hlemu ngöne Ioane 3:16 hna thingehnaenane la mele ka tha ase palua kö. Eni a sipo nyipë troa kapa la zonale celë, ke, troa hamë ixatua koi nyipë jëne la mejiune ka tru hna hamëne hnene la Wesiula i Akötresie.” Thupene lai, qaja ju ka hape tro hmaca epuni a bëeke matre traqafë la itre xaa zonale hna troa kapa, me ithahnataane fe la hna thingehnaeane hnei Akötresie thatraqane la nöjei atr ka drengethenge Nyidrë. Mekune ju fe laka, e a caa traqafë zonale epun, ke, epuni a e ju la caa iwai hmaca.
3 E hnei epuni hna amë pe la hna cinyihane ka hape “Ketre Fene Hnengödrai Gaa Pëkö Isi—Eu?” qaja ju ka hape:
“Tuneka jë la fene celë e pë hmaca kö isi? [Nue pi troa sa.] Eni a ajane troa amamai nyipë la hnei Akötresie hna thingehnaeane troa kuca koi së.” E jë la Salamo 37:10, 11, nge qaja ju la pengöne la fene celë ngöne la Akötresie a troa aeatrëne la aja i Nyidrë. Amekunëne ju lai atr lo tulu ne thithi hnei Iesu hna amë pe kowe la itretre drei nyidrë, hna cinyihane ngöne Mataio 6:9, 10. Xatua nyidrëti ju troa thele wangatrehmekune ngöne la aliene la itre trenge ewekë i Iesu. E hna kapa hmekujehi la itre zonale hnene lai atr, ke, hnyingëne ju göi abonema, nge ce wange ju matre bëeke hmaca troa sisedrëne la porotrik.
4 E hnei epuni hna bëeke hmaca göi troa sisedrëne lo porotrike ngöne la itre hna cinyihane ka hape “Pine nemene matre ka xoxopatrehi la mel?” nyiqaane ju tune la:
“Ame lo ketre traqa ni, ke, hne so hna ithahnataane la eqeane la mele ne la atr. Tune la hnei nyipëti hna wange hnine la itre hna cinyihane ngöne la Réveillez-vous!, kola mejiune hnene la itre siatifik tro së a mele utihë 70 maine 80 lao macatre. Ngo hapeu la mekune i epuni kowe la itre hna thingehnaeane hnene la Tusi Hmitrötr? [Nue pi troa sa.] Tusi Hmitrötr’a amamane laka hetre ketre ewekë ka mingöminge kö hnei Akötresieti hna mekune kowe la atr.” Thupene lai, e jë la Ioane 17:3, nge qaja ju la aqane troa hetrenyi la atrehmekune ka eatrongë së kowe la mele ka tha ase palua kö. Qa ngöne lai, ijije tro epuni a hnyingëne lai atr ka hape ajane kö angeice troa hane inine la Tusi Hmitrötr, nge ce wange ju matre bëeke hmaca troa ithahnata Tusi Hmitrötr.
5 Ame la ketre mekune ka sisitria nyine troa traqa kow ngöne la easë a cainöje trootro, ke, ene la troa nyiqaane inine la Tusi Hmitrötre kowe la ketre atr. Maine jë, hnei epuni hna anyimua wange la ketre atr ka kapa la itre zonal. Hnauëne matre tha tupathe kö la aqane trofë celë ngöne la epuni a bëeke hmaca?:
“Nyimutre la itre mekune ne la itre atr göne la hmi, memine la itre tulun’eje ngöne la mele enehila. Ka isazikeu la itre ini hna kapa, ngöne la kepine matre Akötresie a nue la akötr, maine pena ngöne la kepine matre easë a qatre trootro me mec. Kola ajane hnene la itre xaa atr troa atre la aqane memine la pengöne la thithi hnei Akötresieti hna kapa.” Fe jë la ketre itusi së nyine inine la Tusi Hmitrötr, nge amamane ju la ketre taane mekune hnei epuni hna mekune ka troa ketr lai atr, nge amamane ju la aqane troa inine la Tusi Hmitrötr.
6 Iehova, la Akötresie trene trepene mekun. Loi e troa hetre mekune nyine troa traqa kow ngöne la easë a iwaihmaca; celëhi aqane tro së lai a nyitipu Nyidrë e treu okotropa.