Göi Itre Icasikeu Ne La Huliwa Ne Treu Okotropa
Koi 2 Okotropa Me Wiike Cili
Nyima 149
10 men: Itre ithuemacanyi koi së. Iëne jë la itre mekune qa hnine la Itre Hna Amekötiin ngöne la Huliwa ne Baselaia. Amamane hnyawaane ju la ithuemacanyi ngöne lo Réveillez-vous! ne 8 Nofeba, maine ka ihmeku eje memine la götrane i epun.
15 men: “Tro Palahi Së a Atrunyi Iehova.” Troa ce ithahnataan. Amamane ju la aqane troa trongëne la itre mekene tusi ka mama, me hna fejan.
20 men: “Loi e Troa Hamëne Trongëne La Itre Zonale e Nöjei Ijin.” Qaja ju la itre mekune ka tru, nge thupene lai ce wange ju la itre hna cinyihane ka ijije troa qaja ngöne la kola trofë trongëne la itre zonale ka hnyipixe. Troa kuca la luetre maine köni iamacany.
Nyima 153 me thithi ne nyipun.
Koi 9 Okotropa Me Wiike Cili
Nyima 131
10 men: Itre ithuemacanyi koi së. E jë la hna ithingë.
15 men: Itre ihaji koi së. Maine ketre cainöje hna troa hamëne hnene la ketre qatre thup, “Hapeu, hna nyitrepene ngöne ihnimi la kola upetrije la ketre trejine qa hnine la ekalesia?” hna nyitrepene hnene La Tour de Garde ne 15 Julai, 1995, götrane 25-7.
20 men: “Easë Kö a Lapa Hmek—Ene La Troa Neëne La Itre Iajolë?” Troa ce ithahnataan. E ijije hi la traem, qaja ju la itre xaa mekune hna xome qa hnine La Tour de Garde ne 1 Mei, 1992, götrane 20-2.
Nyima 128 me thithi ne nyipun.
Koi 16 Okotropa Me Wiike Cili
Nyima 120
10 men: Itre ithuemacanyi koi së. Amamane ju la sine itus Une bonne nouvelle pour toutes les nations, ka hamëne la ketre aqane trofë ngöne itre hnalapa trootro ngöne la 59 lao qene hlapa. Loi e tro së a xatuane jëne la sine itusi celë la itre atr trehnyiwa ka tha qaja kö la qene hlapa ngöne la teritoare së.
15 min: Itre ihaji koi së. Maine ketre cainöje ka ithuecatre ngöne la hna cinyihane ka hape “Loie troa catre drenge thenge Akötresie hnene la trejine ka mele hnine la fami gaa nyimu hmi” ngöne La Tour de Garde ne 1 June, 1995, götrane 26-29.
20 min: “Troa Hetre Mekune Nyine Troa Traqa Kow Ngöne La Easë a Iwaihmaca.” Ithahnataane ju la itre mekune hne së hna ajane troa traqa kow, ngöne la kola kuca la itre iwaihmaca. Ce wange ju matre tro la lue ka cainöj’a kuca la lue aqane trofë ka isapengön.
Nyima 130 me thithi ne nyipun.
Koi 23 Okotropa Me Wiike Cili
Nyima 100
10 men: Itre ithuemacanyi koi së. Itre Ithuemacanyi Qa Thei Akötresie.
15 men: “Nyipiewekë Koi Së La Ekalesia.” Troa ce ithahnataan.
20 men: Loi e troa eatrongë angatre kowe la organizasio. Tro la atr thupëne la huliwa ne cainöje trootro a ithahnata memine la luetre maine köni atre cainöj, me huliwaane la boroshüre Les Témoins de Jéhovah—Unis pour faire la volonté de Dieu sur toute la terre. Qaja ju la kepine matre tro së a öhnyi loi e troa amejëne la aja ne la itre atr kowe la aqane trongene la organizasio, la aqane hnëkëne la nöjei pengöne huliwa, memine la aqane troa ketri angatr. Ce wange ju la itre mekune qa hnine la itre götrane 14 me 15 göne la “itre icasikeu nyine aciane la ihnime me itre huliwa ka loi.” Tro la luetre maine köni ka cainöj’a amacaane la aqane troa huliwaane la mekune celë ngöne la kola porotrike memine la ketre atr hna wange hmaca, maine ngöne la kola ini Tusi Hmitrötre matre xatuane la atr ka ajane troa madrine la enyipiewekëne la troa sine la itre icasikeu.
Nyima 126 me thithi ne nyipun.
Koi 30 Okotropa Me Wiike Cili
Nyima 159
10 men: Itre ithuemacanyi koi së. Tru la itre drai ne pë huliwa e treu nofeba me diseba, hawe, xatuan’asë jë la itre trejine troa mekune troa hane xome la huliwa ne pionie ka ixatua.
15 men: Hane fe kö epuni tupathe troa ithahnata memine la itre sinee ne la ketre atr ka ini Tusi Hmitrötr? Ketre cainöj. Hnene la itre xaa ka cainöje ka nyiqaane inine la Tusi Hmitrötre me itre xaa atr hna kuca tune la: Thupene la hna ini Tusi Hmitrötre memine la atr ka ajan, ke, hnei angatre hna hnyingëne lai atr ka hape pëkö pë jë fe kö sine celo i angeic, maine sinee i angeic, maine itre atr pena hnei angeice hna atre ka ajane troa hane ini Tusi Hmitrötr. Hna öhne laka nyimutre la itre ëje hna hamën. Hnyingëne ju ka hape ijije kö troa qaja la ëje i angeice la kola wange la itre atr cili. Ame ngöne la epuni a troa iwai, ke, qaja ju ka hape: “Tru la madrine ne la ketre troa ini Tusi Hmitrötr, nge angeic’a mekune laka tro fe epuni a hane öhnyi loi qa ngöne la hna ini Tusi Hmitrötr.” Tro lai a nyixaane la lisi ne la itre iwaihmaca i epuni a kola kökötre trootro utihë la kola nyiqaane troa inine la Tusi Hmitrötr. Qaja ju fe la caasi maine lue hna melëne hnene la itretre cainöje ka öhne la itre atr ka hetre ajan, me nyiqaane inine la Tusi Hmitrötre me angatr, tune la hne së hna ce wang.
20 men: Troa trofë trongëne la itus La Bible—Parole de Dieu ou des hommes? maine lo itus La paix et la sécurité véritables—Comment est-ce possible? e treu nofeba. Tro fe a trofë La Traduction du monde nouveau e hetrenyi itr’eje ngöne la ekalesia. E maine ejehi, ke, ce wange ju la itre aqane trofë La Traduction du monde nouveau ngöne lo itus Raisonner, götrane 408-411. E ju la “alien,” qaja ju la kepine matre hna cinyihan’ej. Sa ju la itre hnyinge celë: Nemene la trepene la aqane ujëne celë? Drei la itretre ka ujë qene hlapa? Hapeu, nyipici kö laka huliwa ne la itre ka inamacan? Pine nemene matre kola qaja la atresiwa i Iehova ngöne la Itre Hna Cinyihane qene Heleni thatraqane la itre keresiano? Nge thupene lai, qaja ju la kepine matre easë a olene la aqane ujëne celë. (Goeëne ju la itus “Toute Écriture,” götrane 323, paragarafe 22 me 23.) Ithahnataane ju la itre mekene ne la lue itusi hna troa trofë, ka ihmeku memine la itre aja ne la itre atrene la teriotare i epun. Troa kuca la caa iamacanyi hnene la ketre atre cainöje ka atrein, ngo tha tro pe a aqean, nge tro fe a xome la itre mekune nyine nyiqaane ithahnata ngöne la mekene 14 ne la itus La Bible—Parole de Dieu ou des hommes? götrane 184. Tro la ketre atre cainöj’a trofë la itus La paix et la sécurité véritables, me huliwaane la itre paragarafe 4 me 9 ne la mekene 1. Amekunën’asë jë la itre trejine troa hetrenyi la itre itusi göi troa trofë trongën’itr’eje ngöne la wiike celë.
Nyima 138 me thithi ne nyipun.