Ka Hnëkë Kö Së Troa Atrunyi Iehova Hnene La Itre Nyima Ngöne La Itre Icasikeu Së?
1 Ame la easa hnëkëne la itre icasikeu së, tre, kolo lai a hape, troa hnëkëne fe la itre nyima së nyine iatruny. Tro sa pane ce wange la itre mekune celë nyine ixatua.
2 Loi e Troa Trotrohnine La Trenge Ewekën: Ame la xötr ka nyi taan la nyima, memine la itre xaa xötr hna fejane wengën fene la itre nyima, tre, itre ej a xatua së troa wanga atrune la itre xötr ka nyitrepene la trenge ewekën.
3 Huliwane Jë: Ijije troa xomi ijine ngöne la Ijine Hmi Ne La Hnepe Lapa, matre troa majemi troa thinge la itre nyima ka hnyipixe. Loi e troa ce nyima memine la miuzik matre troa inine la itre nyima hna troa ce thinge ngöne la itre ijine icasikeu. Ijije tro epuni a inine la nine nyima me trenge ewekën ne la itre nyima ka hnyipixe, hnene la hna drenge la CD hna hape, Nyima Koi Iehova—Trenge Ewekën, Disc 1.
4 Hapeu, ka hnëkë kö së troa nyiqaane thinge la itre nyima qa hnine la itus, hna hape, Nyima Koi Iehova ngöne la ijine Ini ne la Tour de Garde? Tro ha eje lai, e hne së hna xomi ijine troa trotrohnine la aliene la itre nyima me catre troa nyimane itre ej.