Revizio Ne La Ini Ne Cainöj Qaathei Akötresie

Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 22 Febuare 2010 me wiike cili. Troa xom hnene la atre thupën la ini la 20 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 4 Januare uti hë e 22 Febuare 2010.

1. Nemene la itre ewekë ka upe la itre xaa atrene la nöje Isaraela troa hmitre troa thapa lo Nöje Hna Thingehnaean, nge nemene la ini hne së hna xome qa ngöne lai? (Ios. 18:2, 3) [it-1 g. 934 par. 1]

2. Nemene la ka uku Iosua troa qaja la trenge ewekë celë ngöne Iosua 24:14, 15, nge nemene la thangane lai koi së? [w08 15/5 g. 17-18 par. 4-6]

3. Hna tune kaa matre kei jë la angetre Isaraela kowe la ketre thethi ne la angetre thili koi Baala, me aqane hmi angatr? (A. ame. 2:3) [w08 15/2 g. 27 par. 2-3]

4. Nemene la ini hne së hna kapa qa ngöne la aqane catre xome Ehuda la taua? (A. ame. 3:16, 21) [w97 15/3 g. 31 par. 4]

5. Nemene la ithuecatre hne së hna kapa qa ngöne la hna inine la aqane amele Gideona hnei Iehova memine lo ala 300 lao atre i angeic? (A. ame. 7:19-22) [w05 15/7 g. 16 par. 8]

6. Nemene la aliene la kola hape, Iehova a “teije ngöne la aköte i angete Isaraela”? (A. ame. 10:16) [cl g. 254-255 par. 10-11]

7. Hapeu Iefetha kö a mekune troa huujëne la ketre atr, ngöne lo angeic a nyi xepu koi Iehova? (A. ame. 11:30, 31) [w05 15/1 g. 26 par. 1]

8. Hapeue lai ihnaihe i Samasona, eje hi la ka hamë egöcatre koi angeic? (A. ame. 16:18-20) [w05 15/3 g. 28 par. 5-6]

9. Tro ha xatua së tune kaa hnene la hna trotrohnine la huliwa ka tru hna kuca hnei Samasona, hna qaja ngöne Angete Amekötin 16:3? [w04 15/10 g. 15-16 par. 7-8]

10. Maine tro la itre atr a ‘isa kuca la ka meköti koi angatre kö,’ hapeu tro kö lai a aciane la gomegom, me iamenumenu? (A. ame. 17:6) [w05 15/1 g. 27]