Xome Jë La Ketre Aqane Nyiqaane Ithanata Ka Canga Ketr La Atr
1. Nemene la ini nyine tro sa xome qa ngöne la itre pengöne aqane tro fë ekö la maca ka loi hnene lo itre pane Keresiano?
1 Hnene la itre pane Keresiano ekö hna cainöjëne la maca ka loi kowe la nöjei pengöne atr ka isa qene hlapa me isa hmi kö. (Kol. 1:23) Ngacama casi hi la maca, ene la Baselaia i Akötresie, ngo troa saze la aqane tro fë eje thenge la pengöne la atr hna cainöje kow. Drei la ketre ceitun, ame la Peteru a ithanata kowe la angetre Iuda, angetre metrötrëne la Itre Hna Cinyihan, hnei angeic hna nyiqaane hnene la itre trenge ewekë i perofeta Ioela. (Ite hu. 2:14-17) Tha ceitu kö me Paulo, lo angeic a ce thewe mekune memine la angetre Heleni, lo hna qaja ngöne la Ite Huliwa 17:22-31. Ame enehila, nyimutre la itre atr ka metrötrene la Tusi Hmitrötre ngöne la itre götrane hne së hna cainöje ngön, haawe loi e tro fe sa canga amamane la Tusi Hmitrötr ngöne la easa cainöje ngöne itre hnalapa trootro. Ngo, tro sa hmekën e ithanata jë së memine la itre ka pëkö aja kowe la Tusi Hmitrötr, me hmi me itre atrene lo itre hmi ka thatre Keriso.
2. Tro sa huliwane tune kaa la itre itusi nyine tro fë göi troa xatuane la itre atr ka ajane maine ka tha ajane kö la Tusi Hmitrötr?
2 Huliwane Hnyawa Jë La Itre Itusi Së Nyine Tro Fë: Ame ngöne la macatre ne huliwa celë, e nöjei lue treu, troa saze la itre itusi nyine tro fë, matre ijiji së fe troa hane huliwane hnyawane la itre zonal, me tarak, me itre boroshür. Maine nyipici laka tha ajane kö la itre atrene la teritoare së troa ithanatane la Tusi Hmitrötr, ngo ijije pala hi tro sa ithanatane la ketre mekune qa hnine la itre xa hna cinyihan ka troa ketri angatr. Maine tha hne së kö hna e maine ithanatane pena la ketre xötre ne la Tusi Hmitrötr ngöne la pane iöhnyi së, ngo e hetre ajane thene lai atr, ijije hi tro sa bëeke hmaca me eköthe la lapaune i angeic kowe la Atre Xup, me kowe la Wesi Ula i Nyidrë. Ame pena ha thene la atr ka hetre aja kowe la Tusi Hmitrötr, ka loi e troa xome la itre itusi me aqane tro fë ka ihmeku memine la aja i angeic. Ijije hi tro sa tro fë e nöjei ijin, la itus Ini Tusi Hmitrötr, maine boroshüre Écoutez Dieu maine Drei Akötresieti Jë Matre Mele Epine Palua ngacama itre itusi lai tha nyine tro kö sa tro fë ngöne la treu. Haawe, loi e tro sa xome la ketre aqane nyiqaane ithanata ka canga tro hi a ketr lai atr.
3. Nemene la ewekë ka cas ka mama ngöne la hnadro me ngöne la hni ne la atr ngöne la teritoare së?
3 Huliwane Hnyawane Jë La Hnadro: Ka ceitu la hni ne la atr me hnadro. (Luka 8:15) Ame la itre xa hnadro, ka loi e troa pane huliwane hnyawa itre ej, nge thupene lai, jume jë hë la itre itine nyipici qa hnine la Tusi Hmitrötre matre hetre wane ne itre eje me cia hnyawa. Hnene lo itre pane Keresiano ekö hna jumi feja ngöne la nöjei pengöne hnadro, nge tru la madrine i angatre qa ngön. (Ite hu. 13:48, 52) Ijije fe hi tro sa öhnyi madrine qa ngöne la aqane huliwa cili e hne së hna hnëkëne hnyawa la itre pane ithanata së.