Meken 40

Tulu Ne Ihnimi Ipitö

MAINE jë Iesu pala kö e Naina, nyidrëti a ase amelene la neköne la ketre sine föe e cili; maine pena nyidrëti jë hë ngöne la ketre traone ezine e Naina. Hanawange kola tro pi koi nyidrë la ketre Faresaio, Simona la ëjen, angeice a ajane troa hane atrepengöne hnyawa la atre kuca la itre iamamanyikeu ka tru. Haawe, angeice a könë Iesu ju troa ce xeni me angeic.

Thaa hnei Iesu kö hna thipëne la ihë i Simona, ngo tune lo aqane kapa nyidrë la ihë ne la itre telona me itre atr ka ngazo, haawe, nyidrëti a öhne laka, ketre jëne tro nyidrëti lai a cainöje kowe la itre atr hnei nyidrë hna troa iöhnyi memin. Ngo ame la nyidrëti a lö hnine la uma i Simona, pë pi kö ka mekune troa kuca lo itre hna majemine ngöne la aqane troa kapa la itre hna könën.

Maine hne së hna trongëne la itre gojenyi gaa tha so, nge genyi me dro la itre waca së, haawe, ame la pengöne la qene nöje e celë, ke, ene la tro la atr ka ikepe a waasine hnei timi ka lepanyi la itre waca ne la itre atr hna könën. Ngo ame la kola traqa hnei Iesu, pë pi kö ka cile troa pane waasine la lue ca i nyidrë. Ketre goi pë fe ka idrem ne ikep, ene lo ketre aqane imetrötrë. Nge pëkö ka fie la he i nyidrë, hnene la wakacu ne ikep.

Ngöne la ijine kola ce xeni la itre hna hëne hnene la Faresaio, kola lö metrötre jë hnine la uma la ketre föe thaa hna hane kö könën. Ketre föe ne gojenyi nyidro, nge atre nyidroti asë hi ngöne la lapa. Maine jë hnei eahlo hë hna hane drenge lo itre xaa ini hna hamëne hnei Iesu, ene lo nyidrëti a könëne la ‘nöjei atr’ asë ka kucakuca, troa tro koi nyidrë matre troa amanonyi angatre hnei nyidrë.’ Nge nyidro a thele troa iöhnyi me Iesu, pine laka, eahlo a haine la itre hnei nyidro hna öhne me dreng.

Iesu a xen, nge eahlo a tro hutrö i nyidrë me sai watingöne ca ezine la lue ca i nyidrë. Nyidroti a ahmuhmune lue eje hnene la itre trenge tihmidra i nyidro, me köle lue eje hnene la ihnaihe i nyidro. Nge nyidro a nenge hune lue eje la wakacu, me dreme lue ej. Ngo thaa madrine kö Simona pine lai. Öni angeice ka hape, “Maine perofeta la, te, maine ate hë nyidëti la föe celë memine la thina i nyën’ ate kete nyidë, ke nyëne la ka ngazo.”

Iesu a canga atrehmekune la mekune i angeic, matre öni nyidrëti jë hi a sa ka hape: “Simona fe, hetenyi hë ni la kete ewekë troa qaja koi ’ö.”

Angeice a sa ka hape: “Ate ini, ulatinejë.”

Iesu a nyiqaane troa qaja ka hape: “Dei lai lue ate hna pane isa hamëne la tenge mani kowe hnei ketre at; Tripi la o hadede la ite denari hna pane hamëne koi kete, nge luate nge luepi koi kete. Nge pëkö nyine të thei nyido, angeic’ a inue loine me nyido. Da qajajë koi ni, dei e nyido troa hnine atrunyi angeic?”

Öni Simona e sa hnyimane ka hape, “Ini a mekun, ma angeice la hna nue atrune kow.”

Iesu a qaja koi angeice ka hape: “Meköti la hnei ’ö hna mekun.” Nge nyidrëti a xei kowe la föe me qaja koi Simona: “Öhne hë eö la föe celë? Hnenge hna löjë kowe la uma i’ ö, nge tha hnei ’ö hna nyi tepe timi thatraqane la lue cang, ngo ase hë nyidoti ahletane la lue cange hnene la zane mek, me köle hnene la ipene he i nyido. Nge tha hnei ’ö kö hna demi ni, ngo qane lo ijine hnenge hna lö kowe la, tha mano kö la föe celë deme la lue cang. Nge tha hnei ’ö kö hna sië wakacune la heng, ngo ase hë nyidoti sië murone la lue cang.”

Hna amamane hnene la föe la hatrene laka, eahlo a ietrane la itre ngazo i eahlo ekö. Celë hi matre Iesu a nyipune ju hnene la trenge ewekë celë, hna hape: “Celë hi mate qajajë ni koi ’ö, ka hape, Ase hë nuepi la nöjei ngazo i nyidoti ka kösau, ke tru la ihnimi nyido; ngo e co hi la hna apatene thei kete ate, co hi la ihnimi angeic.”

Eje hi laka, thaa Iesu kö a xomahmalohmaloeëne la thiina ne la atre kuci ngazo. Ngo kolo pe a amamane hnene la ewekë celë la pengö i Iesu, atreine nyidrë trotrohnine nge hetenyi thei nyidrë la ihnimi pitö kowe la itre ka mele hnine la ngazo; ngo e thupen, angatre a ietra, me thele la ixatua thei nyidrë. Iesu a ithuecatre ju kowe la föe me hape: “Ase apatene la ite ngazo i ’ö. . . . Melë hë eö hnene la lapaune ’ö, trojë memine la manathith.” Luka 7:36-50; Mataio 11:28-30.

▪ Tune kaa la aqane kepe Iesu hnei Simona, atre könë nyidrë?

▪ Drei la ka thele Iesu, nge pine nemen?

▪ Nemene la ceitune hna hamëne hnei Iesu, nge nemene la ini nyine troa xome qa ngön?