Itre Itus Ka Nyitrepene La Mel Me Huliwa Ne Cainöj Pepa Nyine Huliwan
4-10 FEBUARE
ITRE TRENGAMO QA HNINE LA WESI ULA | ROMA 1-3
“Inine Jë La Mekuthetheu i Epun”
(Roma 2:14, 15) Ke e kuca xanëne kö hnei angete ethen, ka pë wathebo, la nöjei ewekë ka ijije la wathebo, pëkö wathebo i angat, ngo angate kö la wathebo i angat ; 15 Nge angate a amamane la huliwa ne la wathebo hna cinyihane ngöne la ite hni angat kola anyipicine hnene la mekuthethewe i angat, nge ite mekune i angate a isa jele ngazone me isa jele loinyi angate kö ;
Tune Kaa La Aqane Tro Sa Lapa Fë La Ketre Mekuthethewe Ka Lolo?
6 Hapeu la mekuthetheu, ahnahna thatraqane hmekuje hi la itre hlue i Iehova? Tro sa pane wange la itre trenge ewekë hna qaja hnei Paulo aposetolo, kola hape: “E kuca xanëne kö hnei angete ethen, ka pë wathebo, la nöjei ewekë ka ijije la wathebo, pëkö wathebo i angat, ngo angate kö la wathebo i angat ; nge angate a amamane la huliwa ne la wathebo hna cinyihane ngöne la ite hni angat, kola anyipicine hnene la mekuthethewe i angat, nge ite mekune i angate a isa jele ngazone me isa jele loinyi angate kö.” (Roma 2:14, 15) Celë hi matre, ame angetre thatre la itre wathebo i Iehova, tre, kola ameköti angatre fe e itre xaa ijin hnene la mekuthethewe i angatr troa huliwa thenge la itre trepene meköti Akötresie.
(Roma 2:15) Nge angate a amamane la huliwa ne la wathebo hna cinyihane ngöne la ite hni angat kola anyipicine hnene la mekuthethewe i angat, nge ite mekune i angate a isa jele ngazone me isa jele loinyi angate kö ;
Tune Kaa La Aqane Tro Sa Lapa Fë La Ketre Mekuthethewe Ka Lolo?
8 Tro nyipunieti a nue tune kaa la mekuthethewe troa nyi trepene la itre mekune hnei epuni hna axeciën? Ame la itre xaa atr, tre, thaa thele ewekë kö angatr, matre mama ju laka, hnene hi la aqane sipu wai ewekë i angatre hna amekötine la itre sipu mekune me itre aliene hni angatr, me axeciëne la mekune nyine troa kuca. Nge öni angatre jë hi, “Haawe, thaa ka isazikeu kö la memine la mekuthethewe i eni.” Ngo e hna hune la itre aja ne la ngönetrei, haawe, ase hë lai ajojezine la mekuthethew. Kola qaja hnei Tusi Hmitrötr, ka hape: “Ate nyipi iaö la hni hune la nöjei ewekë asëjëihë, nge nyipi ngazo ej ; dei la ate ate hmekun’ ej?” (Ieremia 17:9) Qa ngöne lai, thaa tro pi kö sa nue la itre aja ne la hni së troa eköthe la itre mekun hne së hna troa axeciën. Loi e tro pe sa wanga atrune panëne la ewekë ka amadrinë Iehova Akötresie.
9 Maine hna eköthe hnyawa la mekuthethewe së jëne la itre ewekë hne së hna inin, tro hë eje lai a amamane koi së la nyipi aqane troa xoue Akötresie, nge tro ha thahe la itre sipu aja ne la hni së. Tro sa ce wange la ketre ceitun. Nehemia la ketre hlue i Akötresie ka trene hnëqa ka tru; matre hna amekötine tro angeic a kapa thatraqa i angeice qaathene la nöj e Ierusalema la itre manie ne la itre xaa ewekë hna salemën me hna hotr. Ngo hnei angeice hna thipëne la pengöne cili. Pine nemen? Pine laka kola huliwa catre la mekuna i angeic, qou i angeice e tria pi la aqane musinëne la nöje i Akötresie nge thaa amadrinë Nyidrëti jë hnei angeic. Öni angeic: “Tha hnenge kö hna kuca tune qa ngöne la qoung’ e Akötesie.” (Nehemia 5:15) Nyipi ewekë catr tro sa xoue Akötresieti hnyawa, troa eje e kuhu hni së la xou troa kuca la ketre ewekë ka troa ahleuhleune la Tretretro së e koho hnengödrai. Celë hi xou lai ka hetre hni ne metrötr, atre upi së troa nue la Wesi Ula i Akötresie troa eatrongë së ngöne la easa troa axecië mekun.
Troa Sine Thel La Itre Mekune Ka Sisitria
(Roma 3:4) Ohe ; ngaca ma thoi asë la nöjei ate, loi pe nyipici Akötesie tune la hna cinyihan, ka hape, “Mate meköti kö cilie ngöne la nöjei wesi ula i cilie, me hune kö cilie e troa hnyingë cilie.”
w08 15/6 30 ¶5
Itre Mekun Ka Sisitria Ne La Tusi Roma
3:4. Maine ka isazikeu la hna qaja hnei atr memine la itre trengewekë i Akötresie ngöne la Wesi Ula i Nyidrë, ame koi së, ka ‘nyipici palahi Akötesie.’ Easa mejiune kowe la hna qaja hnei Tusi Hmitrötr, me tro thenge la aja i Nyidrë. Tro sa xatuane la itre atr troa öhne ka hape, ka nyipici Akötresie, e tro sa catre cainöjëne la Baselaia, me inine la itre atr.
(Roma 3:24, 25) Hna jele mekötine gufane hnene la ihnimi nyidë, ke hna itö mele hnei Keriso Iesu ; 25 lo hnei Akötesie hna amamane nyine huje, thenge la lapaune kowe la madra i nyidë, mate troa amamane la thina ka meköti nyidë, qa ngöne la hna pune shengepi la nöjei ngazo hna kuca ekö, ngöne la xomi hni ahoeanyi i Akötesie.
w08 15/6 29 ¶6
Itre Mekun Ka Sisitria Ne La Tusi Roma
3:24, 25—Nemene la aqane tro la hna “itö mele hnei Keriso Iesu” a seng “la nöjei ngazo hna kuca ekö”? Hna eatr lo hna pane perofetane göi Mesia ngöne Genese 3:15, lo macatre 33 M.K., lo ijine kola athipi Iesu hune la sinöe ne iaxösisi. (Ga. 3:13, 16) Ame lo Iehova a qaja la hna perofetane celë, kösë ame koi Nyidrë, ase hë hamëne la thupene mel, ke, pëkö ka atreine sewe Nyidrë troa kuca la mekuna i Nyidrë. Celë hi matre, jëne la mele hnei Iesu hna troa hamën e thupen, Iehova a nue la ngazo ne la itre matra i Adamu, itre ka mejiune kowe la hna perofetane celë. Ketre, jëne la thupene mel, ijije hi troa amelene hmaca la itre ka mec qëmekene troa hnaho Iesu.—Ite Huliwa 24:15.
E Tusi Hmitrötr
(Roma 1:1-17) Ini Paulo, hlue i Iesu Keriso, hna hëne nyine aposetolo, hna iëne thatraqane la maca ka loi i Akötesie, 2 (ene la hnei anganyidëti hna ulatin’ ekö jëne la ite perofeta i nyidë ngöne la ite hna cinyihane hmitöt,) 3 ene la Hupuna i anganyidë Iesu Keriso, Joxu shë, hna hnahone qa ngöne la matra i Davita , thenge la ngönetei ; 4 nge hna amamai nyidë Hupuna i Akötesie ce memine la men, ngöne la u hmitöt, hnene la mele hmaca qa hna mec ; 5 eëhuni a kapa jëne nyidë la ihnimi gufa, memine la qa ne la aposetolo, mate troa denge thenge la lapaune ngöne la nöjei nöje asë göi atesiwa i nyidë ; 6 nge nyipunieti a ce me ange hna hëne hnei Iesu Keriso ; 7 dei la tusinge koi nyipunie asë e Roma ange hnimina i Akötesie, hna hëne nyine ite ka hmitöt ; ihnimi gufa, koi nyipunie me tingetinge qa thei Akötesie Keme shë, me Joxu Iesu Keriso. 8 Ini a pane ole koi Akötesingö, jëne Iesu Keriso, göi nyipunie asë me ke hlemu hë la lapaune i nyipunie e cailo fen. 9 Ke Akötesieti la ate anyipici ni, lo hnenge hna nyi hluene ngöne la unge ene la maca ka loi ne la Hupuna i anganyidë, laka tha mano kö ni troa qeje nyipunie ngöne la ite thithing’ asë, 10 kola sipone troa canga tro koi nyipunie maine atein, e aja i Akötesie troa amanathithine la trongeng. 11 Ke atraqate la pi tro ni a iöhnyi me nyipunie, mate tro ni hamë nyipunie kete ihnimi ne u, mate acile huti nyipunie ; 12 celë hi mate troa, ce akeukawanyi ni me nyipunie, hnene la ce lapaune shë. 13 ange tejine fe, ajange tro nyipunie a hane ate, laka a nyimu a mekune ni troa tro koi nyipunie, (ngo hete jolenge uti hë enehila,) mate hetenyi ni ite xa wene thei nyipunieti fe, tune thene la ite xa ethen. 14 Ini ate xomi gufa göi angete Heleni, me ite xa nöj ; angete inamacan, me angete tha ’tein. 15 Qa ngöne lai ini a hnëkëne, e ateine ni, troa cainöjëne la maca ka loi koi nyipunieti fe e Roma. 16 Ke tha ini kö a hmahma ene la maca ka loi, ke, celë hi mene i Akötesie nyine amelene la nöjei ate asëjëihë kola lapaun, pa i angete Iuda, mate angete Heleni fe. 17 Ke mamapi ha ngöne lai la thina ka meköti Akötesie hnene la lapaune matre troa lapaun ; tune la hna cinyihan ka hape, “Tro ha mele la ate thina ka meköti hnene la lapaun.”
11-17 FEBUARE
ITRE TRENGAMO QA HNINE LA WESI ULA | ROMA 4-6
“Akötesieti a Amamane Koi Shë La Ihnimi Nyidëti”
(Roma 5:8) Ngo Akötesieti a amamane koi shë la ihnimi nyidëti, ngöne laka [hna meci hnei] Keriso nyine hna i eëshë, nge ite ka ngazo pete kö shë.
(Roma 5:12) Qa ngöne la traqa ha la ngazo kowe la fene hnengödrai hnene la ate ka cas, nge meci fe pine la ngazo ; tune lai hna traqa la meci kowe la nöjei ate asë, ke ngazo asë hë ;—.
w11 15/6 12 ¶5
Akötresie a Amamane La Ihnimi Nyidrëti Koi Së
5 Paulo a qejepengöne lai, me hape: “Traqa ha la ngazo kowe la fene hnengödrai hnene la ate ka cas, nge meci fe pine la ngazo ; tune lai hna traqa la meci kowe la nöjei ate asë, ke ngazo asë hë.” (Ro. 5:12) Easa trotrohnine la hna qaja celë, ke, hnei Akötresie hna qejepengöne e hnine la Tusi Hmitrötr la qaane la itre atr. Hnei Iehova hna xupe la lue pane atr, Adamu me Eva. Hnene laka, ka pexeje Akötresie, haawe, ka pexeje fe nyidro, lo lue xötrapane së. Casi hi la hna amekötine hnei Akötresie koi nyidro, nge tha ka hace kö. Maine tha trongëne kö nyidro la hna amekötine cili, tro nyidroti lai a mec. (Ge. 2:17) Ngo, hnei nyidro hna iëne troa ena la wathebo i Akötresie, me thipetriji Nyidrë, Akötresie Kapucatinasë, me Atre acili wathebo.—Deu. 32:4, 5.
(Roma 5:13, 14) (ejë hë, la ngazo e celë fene uti hë la wathebo ; ngo tha hna qaja kö la ngazo e pë wathebo. 14 Loi pe ke joxu la meci qan’ e Adamu uti hë Mose, hui angate ka tha ngazo tune la hna shashaithe hnei Adamu, lo tulu i nyidëti ka tro ha traqa.
w11 15/6 12 ¶6
Akötresie a Amamane La Ihnimi Nyidrëti Koi Së
6 Hnei Adamu hna kei kowe la ngazo qëmekene troa hetre nekönatr. Celë hi matre, ngazo asë hi la itre nekönatr ka xulu qaathei angeic. Eje hi laka, tha hnene kö la itre matra i angeic hna ena la wathebo i Akötresie. Matre, tha hna upe zöi angatr ka hape, itre ka ena la wathebo i Iehova. Tro pë hë Nyidrëti a hamë angatr la itre wathebo e thupen. (Ge. 2:17) Ngo, ngazo fe hë angatr hnene la tha idrei Adamu. Celë hi matre, hna musinë angatr hnene la ngazo me mec, utihë la Akötresie a hamëne kowe la angetre Isaraela la trenge wathebo. Kola mama jëne la itre wathebo cili laka, itre hna musinëne hnene la ngazo. (E jë la Roma 5:13, 14.) Ceitune hi la aqane ixötrekeu la ngazo memine la ketre mec ka ej ngöne la fami. Ame göi meci fami, tha hna tith asë kö la itre nekönatr. Ngo, ame la ngazo, hna xötr asë hi kowe la itre ka xulu qaathei Adamu. Hapeu, tro kö a thepe së qa ngöne lai?
(Roma 5:18) Ke hna ahnëjinëne la nöjei ate asëjëihë hnene la menu ka cas ; tune lai troa jele mekötine uti hë la mele la nöjei ate asë hnene la thina ka meköti ka cas.
(Roma 5:21) nge hnei ngazo hna musi uti hë la mec, tune lai tro la ihnimi gufa a musi hnene la thina ka meköt uti hë la mele ka tha ase palua kö, jëne Iesu Keriso Joxu shë.
w11 15/6 13 ¶9-10
Akötresie a Amamane La Ihnimi Nyidrëti Koi Së
9 Nemene la aliene la itre hnaewekë qene Heleni hna hape, “jele mekötin” me “troa jele meköti angatr”? Önine la ketre ka ujë Tusi Hmitrötr ka hape: “Ketre ceitun hna qaja ngöne la hna kootr. Kola qaja la aqane saze la aqane imelekeu ne la atr me Akötresie, ngo tha kolo kö a qaja la kola saze la hni ne la atr . . . Kola aceitunë Akötresie memine la atre amekötin ka nyixölene la atr ka cil qëmekene la hna kootr. Nge Akötresie a amekötine troa nue angeic.”
10 Pine nemene matre ijije hi tro la “Atre Amekötine ka sisitria ne la fene hnengödrai asë” a kapa la atr ka tha meköti kö? (Ge. 18:25) Pine laka, hnei Nyidrëti hna upe la Nekö i Nyidrëti ka cas kowe la fen. Hnei Iesu palahi hna kuca la aja i Iehova, ngacama hna tupathi nyidrë, me hnyimasai nyidrë me qanangazo nyidrë. Hnei nyidrëti hna mele nyipici utihë la mec hune la sinöe ne iaxösisi. (He. 2:10) Ame lo Iesu a huujëne la mele i nyidrë, nyidrëti hi lai a nue maine thapa la itre matra i Adamu qa ngöne la ngazo me mec.—Ma. 20:28; Ro. 5:6-8.
Troa Sine Thel La Itre Mekune Ka Sisitria
(Roma 6:3-5) Tha ’te kö nyipunie laka, ame eëshë, asë ite hna bapataisone koi Iesu Keriso, te, hna bapataisone kowe la meci nyidë ? 4 Qa ngöne lai hna ce kelemi shë me nyidë hnene la hna bapataiso ngöne la mec ; hna amele Keriso hmaca jë qa hna meci hnene la mene ne la Tetetro tune lai tro fe sha trongëne la mele ka hnyipixe. 5 Ke hna ce eëshë me nyidë ngöne la cei tune la meci nyidë, kete tro sha tune ngöne la mele hmaca ;
w08 15/6 29 ¶7
Itre Mekun Ka Sisitria Ne La Tusi Roma
6:3-5—Nemene la aliene la kola bapataiso “koi Iesu Keriso” me bapataiso “kowe la meci nyidë”? Ame la Iehova a iëne la itretre drei Iesu jëne la uati hmitrötr, angatr e cili a ce casi me Iesu. Nge, angatr a nyiatrene la ekalesia, ene la ngönetrei Keriso, nge nyidrëti hi la he ne la ngönetrei. (1 Ko. 12:12, 13, 27; Kol. 1:18) Celë hi bapataiso koi Iesu Keriso. Kolo fe a bapataisone la itre hna iëne ‘kowe la meci Keriso,’ ke, angatr a nue la mele i angatr, matre pëkö mejiune i angatr troa mel e celë fen. Kösë angatr a huujëne la mele i angatr tui Iesu, ngo tha nyine iamele pe. Kola nyipune la bapataiso kowe la meci Keriso, ngöne la angatr a mec me mele hmaca e hnengödrai.
(Roma 6:7) Ke gufa la ate ka meci hë ene la ngazo.
w14 1/6 11 ¶1
Nemene La Mejiun Kowe La Itre Xötrapane Së?
Thupene la kola amelene hmaca la itre atr, tro kö a amekötine la itre atr ka ngazo thenge la itre ewekë hnei angatr hna kuca ekö? Waea. Öni Roma 6:7: “Gufa la ate ka meci hë ene la ngazo.” Ame la kola mec la ketre atr, angeic hi lai a nyithupene la itre ngazo i angeic. Celë hi matre, troa ameköti angatr thenge la itre ewekë hnei angatr hna troa kuca, thupene la kola amele angatr hmaca. Ngo tha thenge kö la itre ewekë hnei angatr hna kuca thatre, qëmekene troa mec. Nemene la aqane tro angatr a huliwane hnyawane la mele i angatr?
E Tusi Hmitrötr
(Roma 4:1-15) Qa ngöne lai, tro sha qaja, nemene la hna öhne hnei Aberahama keme shë thenge la ngönetei ? 2 Ke maine hna jele meköti Aberahama hnei huliwa, te, hetenyi nyidëti la nyine selën ; ngo pëkö göi Akötesie. 3 Ke nemene la hna qaja hnene la hna cinyihan ? “hna lapau Akötesie hnei Aberahama, ame hna qaja eje koi nyidë nyine thina ka meköt.” 4 Tha hna qaja, ka hape, ihnimi gufa la thupene kowe la ate huliwa, ngo nyine të kö. 5 Ngo ame la ate tha huliwa kö, ngo kola lapaune hi koi nyidëti ate jele mekötine la ate ka tha qou kö, te, hna qaja la lapaune i angeice nyine thina ka meköt. 6 Tune la hnei Davita hna qaja amanathithine la ate hnei Akötesie hna qaja la thina ka meköti kow, nge pë pe huliwa, kola hape ; 7 “Manathithi angate e hna apatene la ite hna shashaithe hnei angat, me hna he la ite ngazo i angat. 8 Manathithi la ate tha hna qaja hnei Joxu la ite ngazo i angeic.” 9 Ame la manathithi celë, te, maine thatraqane la hna peritomone maine thatraqane fe la tha hna peritomone kö ? ke öni shë, ka hape, hna qaja la lapaune i Aberahama nyine thina ka meköt. 10 Ke hna qaja ngöne nemen ? ngöne la hna peritomo nyidë, maine tha hna peritomone kö ? tha ngöne kö la hna peritomon, ngo ngöne pe la tha hna peritomone kö ; 11 nge hna kapa hnei nyidëti la haten, ene la peritom, nyine acatene la thina ka meköti nyidë kola lapaune nge tha hna peritomone pete kö ; mate tro nyidëti a keme ne la angete lapaun’ asë, itete lapaune nge tha hna peritomone kö ; mate qaja fe koi angate la thina ka meköt ; 12 me keme ne peritom, ngo tha koi ange hna peritomone hmekuje kö, ngo loi angate fe angate trongëne la thupa ca ne la lapaune i Aberahama, keme shë, nge tha hna peritomone pete kö. 13 Ke tha hna thinge hnaeane kö koi Aberahama me ite matra i nyidëti, laka thatraqai nyidëti la fene hnengödrai, thenge la wathebo, loi pe thenge la thina ka meköti ne la lapaun. 14 Ke maine ite hnane angate ngöne la wathebo, gufa pe kö la lapaun, nge hna atha menëne la hna thinge hnaean ; 15 ke wathebo la ate axulune la elëhni ; ke, e pëkö wathebo, pëkö shashaith.
18-24 FEBUARE
ITRE TRENGAMO QA HNINE LA WESI ULA | ROMA 7-8
“Epuni Kö a ‘Teqene’?”
(Roma 8:19) Ke ite ewekë hna xupe a tengeneune kola teqene la troa amamane la ite nekö i Akötesie.
Nue Iehova Pi Troa Nue Gufa Nyipunie
17 Hna qeje pengöne hnei Paulo aposetolo la inuegufa hnei Iehova hna hnëkëne kowe la itre hlue i Nyidrë, ka hape: “Ite ewekë hna xupe a tengeneune kola teqene la troa amamane la ite nekö i Akötesie.” Nge angeic a sisedrëne ju me hape: “Kola mejiune la tro ha nue la ite ewekë hna xupe qa ngöne la hna othe hnene la ka hnyeqet, kowe la hna nue gufane ka hadehadeu ne la ite nekö i Akötesie.” (Ro. 8:19-21) Ame la “ite ewekë hna xupe” celë, tre kolo hi a qaja la itre atr ka mejiune kowe la mel e celë fen, nge itre ka troa manathithi e “troa amamane” pi la itre nekö i Akötresieti hna iën. Ame la hna amamane cili, tre troa nyiqaane e mele hmaca jë la itre “nekö i Akötesie,” nge tro angatr me Keriso a apatrene trije la iakötrë qa ngöne la fen, me xatuane la “ka ala nyimu atraqat” troa traqa kowe la fene ka hnyipixe.—Hna ama. 7:9, 14.
(Roma 8:20, 21) Ke hna apone la ite ewekë hna xupe, kowe la ka tha nyipi ewekë, (tha ajane kö it’ej, ngo hnei nyidëti hi ate apon, me kola mejiune la tro ha nue la ite ewekë hna xupe qa ngöne la hna othe hnene la ka hnyeqet, kowe la hna nue gufane ka hadehadeu ne la ite nekö i Akötesie.
w12 15/3 23 ¶11
Madrine Jë Ngöne La Mejiun Së
11 Hnei Iehova hna hamë mejiune kowe la itre atr asë laka, troa apatrene la “une ekö,” ene Satana Diabolo jëne la ketre “matra.” (Ama. 12:9; Ge. 3:15) Ame la pane götrane la “matra” cili, tre, Iesu Keriso. (Ga. 3:16) Jëne la mec, me melehmaca i nyidrë, ijije hi tro la itre atr a mejiune laka, troa thepe angatre qa ngöne la ngazo me mec. Ka ce tro la aqane eatre la mejiune celë, memine la kola “amamane la ite nekö i Akötesie.” Ame la itre hna iëne hna amelene hmaca, tre, angatr la hnaaluene götrane la “matra.” Tro angatr a ‘mama’ ngöne la ijine tro angatr a ce casi me Keriso, matre troa apatrene la fene i Satana. (Ama. 2:26, 27) Jëne lai, tro la itre xa mamoe a mele thupene la akötr atraqatr.—Ama. 7:9, 10, 14.
(Roma 8:21) me kola mejiune la tro ha nue la ite ewekë hna xupe qa ngöne la hna othe hnene la ka hnyeqet, kowe la hna nue gufane ka hadehadeu ne la ite nekö i Akötesie.
w12 15/3 23 ¶12
Madrine Jë Ngöne La Mejiun Së
12 Pane mekune jë së la madrine ka ej thene la “ite ewekë hna xupe” ngöne la ijine Ca Thauzane Macatre ne musi Keriso! Ame ngöne la hnepe ijine cili, tro la “ite nekö i Akötesie” hna amelene hmaca a ‘mama’ ngöne la angatr a xome la hnëqa ne huuj ce me Keriso. Nge, jëne la mel hna huujëne hnei Iesu, tro ha amanathithine la itre atr ka mele fene la Baselaia. Tro ha xome trootro la “itre atr” qa ngöne la ngazo me mec. Tro ha nue trootro la itre atre ka idrengethenge “qa ngöne la hna othe hnene la ka hnyeqetr.” Maine tro la itre atr a mele nyipici koi Iehova ngöne la macatre ka Ca Thauzane me ngöne la itupath tixenuë, tro ha cile huti la ëje i angatr e hnine la “tusi ne mel.” Nge tro hë angatr a tro “kowe la hna nue gufane ka hadrehadreu ne la itre nekö i Akötresie.” (Hna ama. 20:7, 8, 11, 12) Drei la ketre mejiun ka lolo catr!
Troa Sine Thel La Itre Mekune Ka Sisitria
(Roma 8:6) Ke e hnine la ngönetei, meci hë ; ngo e hnine la u, melë hë me tingeting.
Mekune Pala Kö Epun?
Nemene la eisapengönene la troa “hnine la ngönetei” me troa “hnine la u”? (Ro. 8:6)
Ame la atr ka hnine la ngönetrei, tre, angeic a wangatrune la itre aja i angeice me itre hna majemine kuca ka ngazo. Nge angeice pala hi a ithanatane la itre ewekë ne ngönetrei me hnine itre ej. Ngo ame la atr ka hnine la u, angeic a amë panëne la aja i Akötresie me itre mekuna i Nyidrë. Ketre, angeic a nue la uati hmitrötr troa amamai gojenyi koi angeic. E tro sa hnine la ngönetrei, ke, meci la pun, nge e tro sa hnine la u, ke, mel me tingeting.—w16.12, pp. 15-17.
(Roma 8:26, 27) Kete tune fe la Ua kola xatuane la ite kucakuca shë ; ke tha ’te hnyawa kö shë la qa shë troa sipon ; ngo hnene la Ua hna sipo thatraqai shë ngöne la awe hna tha ’teine qaja. 27 Nge nyidëti la ate thele la ite hni, a öhne la mekune ne la Ua, ke nyidëti a sipone thatraqane la ite ka hmitöt, thenge Akötesie.
w09 15/11 7 ¶20
Nemene La Hna Qajaqaja Göi Nyipunie Hnene La Itre Thithi Nyipunie?
20 Ame itre xaa ijin, maine jë thatre kö së la nyine troa qaja ngöne la easa thithi cas. Hnei Paulo hna cinyihan, ka hape: “Tha’ te hnyawa kö shë la qâ shë troa sipon; ngo hnene la Uati [Hmitrötr] hna sipo thatraqai shë ngöne la awe hna tha’ teine qaja. Nge nyidëti [Akötresie] la ate thele la ite hni, a öhne la mekune ne la Ua.” (Ro. 8:26, 27) Nyimutre la itre thithi hnei Iehova hna aijijëne troa cinyihane e hnine la Tusi Hmitrötr. Nyidrëti a kapa la itre thithi cili kösë lo itre sipo hne së hna ajane troa qaja, qa ngöne lai Nyidrëti a aejën. Atre pengö së hnyawa hi hnei Akötresie, memine la mekune ne la ua, ke, qaathei Nyidrë matre jëne la itre atr, hna cinyihane eje hnine la Tusi Hmitrötr. Iehova a sa la itre thithi së ngöne la kola “sipo” thatraqai së hnene la ua. Ngo maine hne së hna inine hnyawa la Wesi Ula i Akötresie, tro ha canga mama koi së la itre ewekë nyine troa thithi fë.
E Tusi Hmitrötr
(Roma 7:13-25) Hape u, hna mecinë hë koi ni la ewekë ka loi ? Ohe. Ngo ngazo pe a aciane la meci koi ni hnene la ewekë ka loi, mate mamapi laka ngazo lai ; mate nyipi ngazo atraqate la ngazo hnene la wathebo. 14 Ke ate hë shë laka ewekë ne u la wathebo ; ngo ate ne ngönetei kö ni, hna itöne kowe la ngazo. 15 Ke ame la hnenge hna kuca, te, tha ’te kö ni ; ke tha kuca kö ni la hneng hna ajan ; loi pe la hnenge hna methinën, celë hi hnenge hna kuca. 16 Nge maine kuca ni la tha hnenge hna ajan, ini a nangëne la wathebo laka loi. 17 Celë hi mate tha ini hmaca kö la ate kuca lai, ngo loi pe la ngazo a lapa e kuhu hning. 18 Ke ate hë ni laka pëkö kete ewekë ka loi a lapa e kuhu hning, (ene la ngöneteing,) ke hete ajang, ngo e troa kuca la loi, te, pëkö. 19 Ke tha kuca kö ni la ewekë ka loi hnenge hna ajan, ngo ame la ngazo tha hnenge hna ajan, celë hi hnenge hna kuca. 20 Nge maine kucajë ni la ewekë tha hnenge hna ajan, tha ini hmaca kö la ate kuca, ngo loi pe la ngazo a lapa e kuhu hning. 21 Celë hi mate öhnë hë ni la wathebo laka, e ajange troa kuca la loi, ce me ini la ngazo. 22 Ke ini a madine la wathebo i Akötesie thenge la ate e kuhu hning ; 23 ngo öhnë hë ni la kete wathebo ngöne la ite hnepe ngöneteing, kola ishi memine la wathebo e kuhu hning, me aponyi ni kowe la wathebo ne la ngazo ate lapane la ite hnepe ngöneteing. 24 Ekölö, ngazo hë ni ! dei la ate troa thepe ni qa ngöne la ngönetei celë ka mec ? Ekölö, ngazo hë ni ! dei la ate troa thepe ni qa ngöne la ngönetei celë ka mec ? 25 Ini a ole koi Akötesie jëne Iesu Keriso Joxu shë. Celë hi mate ini a nyi hlue ne la wathebo i Akötesie hnene la hning, ngo ame la wathebo ne la ngazo, te, hnene la ngönetei.
25 FEBUARE–3 MAAC
ITRE TRENGAMO QA HNINE LA WESI ULA | ROMA 9-11
“Ceitune Göne La Sinöe Elaio”
(Roma 11:16) Ke maine hmitöte la pane wen, tune asë it’ ej ; nge maine hmitöte la iwan, tune fe la ite umen.
w11 15/5 23 ¶13
‘Ekölö Hi Ni La Ejuine La Inamacane i Akötresie!’
13 Hnei Paulo aposetolo hna aceitunëne la itre matra i Aberahama me itre picine sinöe elaio. (Ro. 11:21) Ame lai sinöe elaio, tre, kola nyihatrene la kola eatrëne la aja i Akötresie göne la isisinyikeu me Aberahama. Ka hmitrötr la iwan ne la sinöe, nge kola nyihatrene Iehova, Atre hamë mele kowe la Isaraela i Akötresie. (Isa. 10:20; Ro. 11:16) Ame la ngöne sinöe, tre, kola nyihatrene Iesu, sipu matra i Aberahama. Nge ame la itre picin, tre, kola nyihatrene la hnaaluene götrane ne la matra i Aberahama, ‘angatre asë.’
(Roma 11:17) Nge maine thupa tijë hë la ite xa umen, nge eö la elaio ne hnite hna ipelethikeune me it’ ej, nge hna ce hetenyi me it’ eje la iwane memine la zane la elaio,
(Roma 11:20, 21) Eje hi ; hna thupa tiji angate qa ngöne la tha lapaune kö, nge eö a cile huti ngöne la lapaune. The pi tru kö, ngo qouju ; 21 ke tha la hnime kö la ite sipu umene hnei Akötesie, kete tha tro kö nyidëti a hnimi ’ö.
w11 15/5 24 ¶15
‘Ekölö Hi Ni La Ejuine La Inamacane i Akötresie!’
15 Nemene la hna kuca hnei Iehova matre eatre jë la aja i Nyidrë? Öni Paulo, ame la itre picine elaio ne hnitr, tre, hna ipelethikeune itre ej hune la sinöe elaio hna eënyine matre nyihnane la itre hna thupa. (E jë la Roma 11:17, 18.) Kösë hna ipelethikeune la itre keresiano ethen, itre hna iën, tune la itre keresiano ne la ekalesia ne Roma, hune la sinöe elaio hna eënyin. Haawe itre matra i Aberahama hë angatr. Ame ekö, kösë itre picine sinöe elaio ne hnitre angatr, nge tha ijiji angatre kö troa hane nyiatrene la matra i Aberahama. Ngo, hnei Iehova hna aijijë angatr troa hane atre Iudra e kuhu hni thenge la u.—Ro. 2:28, 29.
(Roma 11:25, 26) Ange tejine fe, ini a ajane tro nyipunieti a ate la ewekë ka sihngödi celë, (wanga pi inamacane la mekune i nyipunie,) laka hna atine ite xan’ e angete Isaraela, uti hë traqa ha la manathithi koi angete ethen ; 26 mate troa amele angete Isaraela asëjëihë, tune la hna cinyihan, ka hape, “Tro ha xulu qa Ziona la Ate amelen, nge tro ha apatene la thina ka tha qou kö thei Iakobo ;
w11 15/5 25 ¶19
‘Ekölö Hi Ni La Ejuine La Inamacane i Akötresie!’
19 Ame la aja i Iehova göi “Isaraela i Akötresie” tre, ka ketre pengöne kö la aqane eatre ej. (Ga. 6:16) Tune la aqane qaja i Paulo, “troa amele angete Isaraela asëjëihë.” (Ro. 11:26) Troa traqa la ijine hna sa hnei Iehova laka, tro la angetre Isaraela i Akötresie, lo “angete Isaraela asëjëihë” a hane joxu me atre huuj e hnengödrai. Nge pëkö ketre ewekë ka troa sewe Iehova troa eatrëne la aja i Nyidrë!
Troa Sine Thel La Itre Mekune Ka Sisitria
(Roma 9:21-23) Hape u, tha ’teine kö la ate xupe la ge dro, troa musinëne la dro, troa xupe kete ge nyine loi, nge kete nyine ngazo, qa ngöne la hnepe ka cas ? 22 Maine Akötesieti a pi amamane la tenge elëhni, me axulune la mene i nyidë, kola xomi hnin ahoeane la nöjei ge ne elëhni hna hnëkëne nyine thatraqane la hnëjin ; 23 mate tro nyidëti a amamane la nyipi ewekë ne la hadehadeu i nyidë hune la nöjei ge ne ihnim, lo hnei nyidëti hna hnëkën’ ekö nyine thatraqane la hadehadeu,
Nue Pi La Ihaji Iehova Troa Xome Ameköti Epun
5 Nemene la nyine troa kuca maine troa xele hnene la ketre atr ka catre he troa nue Iehova lo Atre Xupi Inege Ka Tru troa xome ameköti angeic? Nemene la aqane tro Iehova a huliwane la musi Nyidrë tune la atre xupi inege? Maine jole kowe la atre xupi dro troa kuca la ketre inege hmekune la aja i angeic, tro angeice lai a kuca hmaca pena ha la ketre pengöne inege, maine tro pena angeice a trij. Kola traqa la pengöne cili pine laka, ame la atre xupi inege, tha maca ju kö angeice troa eatrëne la aja i angeic. Ngo ame Iehova, hnei Nyidrëti pala hi hna xome amekötine la itre atr thenge la aja i Nyidrë. (Deu. 32:4) Maine tha hnene kö la ketre atr hna nue Iehova troa xome ameköti angeic, tre, zöne hmekuje hi lai atr. Iehova a amekötine la atr thenge la aqane ujë i angeice ngöne la Nyidrëti a xome ameköti angeic. E tro la atr a drengethenge Iehova, tro angeic a nyipi ewekë koi Nyidrë. Ka tune hi lo itre Keresiano hna iën, angatre la itre “ge nyine loi,” ene lo itre “ge ne ihnim.” Ngo ame la atr ka xele ma kapa la itre hna amekötine hnei Akötresie, tro angatr a itre ge “nyine ngazo” ka pëkö eloin.—Ro. 9:19-23.
(Roma 10:2) Ke ini a wai hatenyi angate laka itete cate troa huliwa koi Akötesie, ngo tha thenge la inamacan.
it-1 1233 ¶2
Zalu, Ka Zalu
Huliwa Ka Tria. Ijije hi tro sa catre huliwa, maine zalu, pine la ketre mekun, ngo ka tria pe, nge kola akötrë Akötresie. Celë hi hna melëne hnene la itre xa angetre Iudra ngöne la ijine lo itre pane Keresiano. Angatr a thele troa kuca la sipu meköti angatr, thenge la Wathebo i Mose. Ngo, öni Paulo, angatr a catre huliwa ngo ka tria pe, pine laka patre kö thei angatre la nyipi inamacan. Celë hi matre, patre kö thei angatr la nyipi meköt, ene la meköti ka ej thei Akötresie. Loi e tro angatr a atrehmekune la itre ngazo i angatr me ujë koi Akötresie jëne Keriso, matre kapa la meköt me nue angatr qa ngöne iameköti ne la wathebo. (Ro 10:1-10) Saulo ne Tarasi la ketre e angatr. Angeice hi la ketre ka nue mele kowe la hmi angetre Iudra, nge ka “thaijene la ekalesia i Akötresie me hna aene trootro ej.” Angeic la ketre atr ka trongëne hnyawane la Wathebo, kösë atr ka “pë ethane.” (Ga 1:13, 14; Fi 3:6) Ngo ka tria hnyawa la aqane catre huliwa i angeic kowe la hmi angetre Iudra. Hnene laka, ka mele nyipici angeic, hnene la ihnimi gufa i Iehova jëne Keriso hna eatrongë angeic kowe la nyipi hmi.—1Ti 1:12, 13.
E Tusi Hmitrötr
(Roma 10:1-15) Ange tejine fe, ame la aja ne la hninge memine la thithinge koi Akötesie thatraqai angat, te, mate mel. 2 Ke ini a wai hatenyi angate laka itete cate troa huliwa koi Akötesie, ngo tha thenge la inamacan. 3 Ke tha ’te kö angate la thina ka meköti Akötesie, ngo angat’ a thele troa acile hutine la thina ka meköti angate kö, nge tha hna denge thenge kö la thina ka meköti Akötesie. 4 Ke Keriso la pune la wathebo thatraqane la thina ka meköti koi angat’ asë angete lapaun. 5 Ke hnei Mose hna cinyihane laka ame la ate kuca la thina ka meköti qa ngöne la wathebo, te, troa mele hnen’ ej. 6 Ngo ame la thina ka meköti qa ngöne la lapaune kola qaja tune la, ka hape, The qaja kö e kuhu hni ’ö, ka hape, Dei la ate troa elë hnengödrai ië ? (ene pe troa thei Keriso pi ;) 7 Nge, Dei la ate troa uti kowe la ga jui ? (ene pe troa thei Keriso jë qa hna mec. 8 Nge nemene la hna qaja ? dei la, “Eashenyi ’ö la tenge ewekë, eje ngöne la qe i ’ö, me hni ’ö ;” ene la tenge ewekë ne la lapaune hne huni hna cainöjën ; 9 laka maine tro eö a qaja la Joxu Iesu hnene la ukeineqe i ’ö, me lapaune e kuhu hni’ö, laka hnei Akötesieti hna amele nyidëti hmaca jë qa hna mec, hawe, tro hë eö a mel. 10 Ke hni la ate lapaune uti hë la thina ka meköt, nge ukeineqë la ate qaja uti hë la mel. 11 Ke öninejë la hna cinyihan, ka hape, “Tha tro kö a hmahma la ate lapaune koi nyidë.” 12 Ke tha kete kö angete Iuda nge kete kö angete Heleni, ke ala casi la Joxu ne asë ate ihabane koi angat’ asë angete hë nyidë. 13 Ke tro ha mele angat’ asë angete hëne la atesiwa i Joxu. 14 Tro angate a hë nyidëti tune ka lo tha hnei angate hna lapaune kow ? nge tro angat’ a lapaune tune ka koi nyidë lo hnei angate hna tha deng ? nge tro angat’ a denge tune ka nge pëkö ate cainöj ? 15 nge tro angat’ a cainöje tune ka e tha hna upe kö ? tune la hna cinyihan, ka hape, “Lolopi hë la ite lue ca i angete amamane la evangelia ne la ite ewekë ka loi !”