“Casi Hi La Qene Hlapa e Celë Fene Hnengödrai Asë”

11:1-4, 6-9

Ame e Babela, hnei Iehova hna aisa ijene la itre ka tha idrei, hnene la Nyidrëti a amenumenune la qene hlapa i angatr. Ame pena enehila, Nyidrëti a acasine la ka ala nyimu atraqatr, ka xulu qa ngöne la nöjei nöj me nöjei qene hlapa. Nge hamë angatre la “aqane ewekë ka wië” matre tro angatr “a hëne la atesiwa i Iehova, me nyi hlue i nyidë hnene la hni ka cas.” (Zef. 3:9; Hna ama. 7:9) Ame la “aqane ewekë ka wië” tre, celë hi nyipici göi Iehova me itre aja i Nyidrë ka mama ngöne la itre Hna Cinyihan.

Tha ijije kö troa atre la itre hnëewekë ka hnyipixe, ngöne la easa inine la ketre qene hlapa. Nyipiewekë tro sa inine la aqane mekune ne la itre atr. Ketre tune mina fe, ame la easa inine la aqane ewekë ka wië ne la nyipici laka, kola saze la aqane mekune së. (Rom. 12:2) Celë hi ka xatuane la nöjei Akötresie troa cas.—1Kor. 1:10.