MEKENE 57
E Kuca Ju Epun La Ketre Ngazo Ka Tru
Ngacama ka hnimi Iehova ju hë së nge easa isine troa amadrinë Nyidrë, ngo ijije hi tro sa tria e itre xaa ijin. Ame la itre xaa tria së ke, ka ngazo catre palaha. (1 Korinito 6:9, 10) Maine tro epuni a kuca la ketre ngazo ka tru, the mekune pi kö ka hape, tha Iehova hmaca kö a hnimi epun. Nge the thëthëhmine kö ka hape, aja i Iehova troa nue la itre ngazo i epun me xatua epun.
1. Nemene la nyine tro sa kuca, matre tro Iehova a nue la itre ngazo së?
Ame la kola kuca la ngazo hnene la itre atr ka hnimi Iehova, tru la hleuhleu i angatr pine laka, tha ka loi kö la hnei angatr hna kuca. Ngo tingetinge ju hi la hni angatr la Iehova a hape: “Maine tune la ka palulu la ite ngazo i nyipunie, tro ha wië tune la kiona.” (Isaia 1:18) Haawe, e tro angatr a ietra, tro Iehova a nue la itre ngazo i angatr. Tro sa ietra tune kaa? E tro sa drenge e kuhu hni së ka hape, tha ka loi kö la hne së hna kuca. Loi e tro sa hmaca me sipo Iehova troa nue la ngazo së. Thupene lai, troa saze la itre mekun, me itre hne së hna majemine kuca ka ngazo, me isine troa trongëne la itre trepene meköti Iehova.—E jë la Isaia 55:6, 7.
2. Nemene la aqane huliwane Iehova la itre qatre thup, matre xatuane la atr ka kuca la ngazo?
Öni Iehova kowe la atr ka kuca la ngazo ka hape: “Loi e tro angeice a hëne la itre qatre thup ne la ekalesia.” (E jë la Iakobo 5:14, 15.) Tru catre la ihnimi ne la itre qatre thup koi Iehova, me kowe la itre mamoe i Nyidrë. Celë hi matre, jëne la itre thiina ka lolo i angatr, ijiji angatre hi troa xatuane la itre atr ka kuca la ngazo, troa iloi hmaca me Iehova.—Galatia 6:1.
Tro la itre qatre thup a xatuane tune kaa la keresiano ka kuca la ngazo? Jëne la Tusi Hmitrötr, tro la ala lue maine köni qatre thup, a qaja koi angeic la kepin matre ka ngazo la hnei angeic hna kuca. Ketre, tro angatr a xatua angeic matre tha tro hmaca kö angeic a kei. E cili, tro angatr a xome la itre xaa hnëqa i angeic e hnine la ekalesia. Nge e tha ietra kö angeic, tro hë la itre qatre thup a upi angeic qa ngöne la ekalesia, matre thupën la itre xan.
TROA CE ITHANATAN
Loi e tro sa olene catrëne koi Iehova la ixatua i Nyidrë e traqa ju së kei kowe la ngazo.
3. Tro sa qaja amamane la ngazo së matre mele pi së
Ame la easa kuca la ngazo, easa akötrë Iehova. Matre nyipiewekë tro sa qaja amamane la ngazo së koi Nyidrë. E jë la Salamo 32:1-5, nge ce ithanatane jë cahu hnying:
Pine nemene matre tha tro kö sa juetrëne la ngazo së, ngo tro pe sa qaja amamane koi Iehova?
Tro së lai a mel, e tro sa qaja amamane la ngazo së koi Iehova, me sipo ixatua thene la itre qatre thup. Goeëne jë la VIDEO, nge ce ithanatane jë cahu hnying:
Nemene la aqane xatua Canon hnene la itre qatre thup matre bëeke hmaca jë angeic koi Iehova?
Tro sa qaja la nyipici kowe la itre qatre thup, ke hna acili angatr troa xatua së. E jë la Iakobo 5:16, nge ce ithanatane jë cahu hnying:
Pine nemene matre hmaloi hi tro la itre qatre thup a xatua së, e tro sa qaja la nyipici koi angatr?
Qaja amamane jë la ngazo i epun. Qaja jë la nyipici kowe la itre qatre thup, nge kapa ju la ixatua me ihnimi Iehova
4. Iehova a utipine la itre ka kuca la ngazo
Maine hnene la ketre keresiano hna kuca la ngazo nge xele kö angeic ma ietra, loi e troa upi angeic qa hnine la ekalesia. E cili, tha tro hmaca kö sa ce tro me angeic. E jë la 1 Korinito 5:6, 11, nge ce ithanatane jë cahu itre hnying:
Nemene la ka traqa e tro sa kuiëne la leven hnine la falawa? Nemene la ka troa traqa kowe la ekalesia, e tha upe kö la atr ka kuca la ngazo?
Itre qatre thup a nyitipun la aqane utipine Iehova la itre ka kuca la ngazo, la angatr a xatuan me tro troa wange la itre hna upe qa ngöne la ekalesia. Nyimutre la itre hna up ka bëeke hmaca kowe la ekalesia. Ngacama ka catr la ihaji, ngo ka tro lai a xatua angatr troa bëeke hmaca koi Iehova.—Salamo 141:5
Tune kaa la aqane amamane Iehova ka hape, ka atreine waiewekë, me utipin, me hnime Nyidrëti la itre ka kuca la ngazo?
5. Iehova a nue la ngazo ne la atr ka ietra
Jëne la ketre ceitun, hnei Iesu hna amamane la ka ej e kuhu hni Iehova la kola ietra la ketre keresiano. E jë la Luka 15:1-7, nge ce ithanatane jë cahu hnying:
Nemene la hna ini së göi Iehova jëne la ceitune celë?
E jë la Ezekiela 33:11, nge ce ithanatane jë cahu hnying:
Nemene la ka amamane ka hape, ietra hnyawa ha la ketre atr ka kuca la ngazo?
Tune la ketre atre thupë mamoe, hnime catre Iehova la haaneköi mamoe i Nyidrë
HNE SË HNA MAJEMINE DRENG: “Maine tro ni a qaja amamane la ngazong kowe la itre qatre thup, tro ha upi ni qa hnine la ekalesia.”
Tro epuni a sa tune kaa koi angeic?
HANE HI LA HNE SË HNA CE WANG
Maine hne së hna kuca la ngazo nge easa ietra me mekune ka hape, tha tro hmaca kö sa kuca la ngazo cili, tro hë Iehova lai a nue la ngazo së.
Nyine Amekunën
Pine nemene matre tro sa qaja amamane la itre ngazo së koi Iehova?
Nemene la nyine tro sa kuca matre tro Iehova a nue la itre ngazo së?
Hnauëne laka, loi e tro sa sipo ixatua thene la itre qatre thup e hnei easë hna kuca la ngazo?
ITRE XAA NYINE WANG
Hnei Iehova hna nue la ngazo ne la ketre trahmany tune lo hnei Nyidrë hna qaja ngöne Isaia 1:18.
Drei la itre xaa ka troa kepe thangane qa ngöne la hna upetröneë la atr ka kuca la ngazo?
“Tro Angatr a Hnim Me Utipin La Itre Ka Kuca La Ngazo” (Ita Ne Thup ne Ogas 2024)
Itre mekun ka troa qejepengöne la aliene la upetröneë kowe la atr ka tha Temoë.
“Aqane Xatuane La Itre Hna Upe Qa Ngöne La Ekalesia” (Ita Ne Thup ne Ogas 2024)
Ame ngöne la hna melën “Il fallait que je revienne vers Jéhovah,” ketre trahmanyi hna upetröneë, nge hna kapa hmaca hnei Iehova.