MELE NE KERESIANO
Mejiune Jë Koi Iehova Ngöne La Kola Qanangazo Eö
Ijije hi tro la itre ka qanangazo së a akötrë së, me ahleuhleunyi së. Maine tro sa xou la angatr a qajangazone la hmi së, ke tro lai a hetre ethan kowe la imelekeu së me Iehova. Matre tune kaa la aqane tro eö a cil kowe la ketre atr ka ujë tun?
Alanyim la itre hlue i Iehova ka cil kowe la itre ka qanangazo angatr, jëne la ixatua i Iehova. (Sa 18:17) Hnei Esetera hna qaja amamane la itre ewekë ka ngazo hnei Hamana hna mekun troa kuca. (Ese 7:1-6) Qëmekene lai, hnei angeic hna pane tha xen, matre amamane la mejiune i angeic koi Iehova. (Ese 4:14-16) Hnei Iehova hna amanathithine la itre huliwa i angeic, me thupë angeic memine la nöje i Nyidrë.
Itre jeune fe, maine kola qanangazo epun, sipo ixatua jë koi Iehova. Nge ce ithanatane jë memine la ketre atr ka macaj, tune la kem me thine i epun. Loi e troa xecie hnyawa koi epun laka, tro kö Iehova a xatua epun tune la aqane xatua Esetera hnei Nyidrë. Nemene la itre xaa nyine tro epuni a kuca, matre troa atreine cil kowe la itre ka qanangazo epun?
GOEËNE JË LA VIDEO HNA HAPE ITRE NEKÖTRAHMANY ME JAJINY—TUNE KAA LA AQANE TRO NI A CIL KOWE LA ITRE KA QANANGAZO NI?, NGE SA JË CAHU ITRE HNYING:
Nemene la itre ini hna hamëne hnei Charlie me Ferin kowe la itre jeunes?
Nemene la itre ini hna hamëne hnei Charlie me Ferin kowe la itre kem me thin, göne la aqane troa xatuane la itre nekö i angatr?