BOOGIAN 8

Nunu Rati Do Kapatayon Di Yesus Kumaa Diya?

Minatai i Yesus do mamasi dati mantad dusa om kapatayon. Yohanis 3:16

Nokito do tongoondu o lobong di Yesus dit aiso o suang

Tolu tadau mantad kinapatayan di Yesus, haro piro-piro tongoondu minongoi ompuya lobong dau nga inggino no iyau hiri. Pinasi no kawagu di Yohuwah i Yesus mantad kapatayon.

Intalang no i Yesus dot id tumatanud dau, om insawat no hilo’d surga

Minintalang dii i Yesus dot id Tumatanud Dau.

Pinasi no kawagu di Yohuwa i Yesus om noonuan dau iyau kosunduwo om a’ nodi iyau apatai. Minintong i tumatanud di Yesus do mininsawat i Yesus dot id surga.

Pinasi kawagu di Yohuwah i Yesus om siniliu Dau i Yesus do Raja Pomorintaan do Kinorohingan. Daniol 7:13, 14

Mantad tirikohonon id pomorintaan kinorohingan, momorinta i Yesus do tulun id paradais

Pinatahak di Yesus o koposion dau gisom do napatai do mamasi’d tulun dot ogumu. (Matius 20:28) Komoyon nopoddi nga noonuan toko Kinorohingan kaharapan do poimpasi sogigisom.

Pinili di Yohuwah i Yesus sumiliu raja do momorinta pomogunan diti. Momorinta i Yesus id pomogunan diti miampai 144,000 tulun dit otorodok mantad pomogunan do miyon id surga. Momonsoi i Yesus om i tongo tulun dii iso pomorintaan dit osonong hilo’d surga—Pomorintaan do Kinorohingan.—Pinointalang 14:1-3.

Polumison di Pomorintaan do Kinorohingan iti pomogunan. Aiso nondo pisangadan, karaatan, komosikinan om mononglous. Toinsanan tulun nga ounsikou kopiyo.—Sinding 145:16.