Pomorintaan dit Momorinta’d Pointongkop do Pomogunan

Roito daa nunu ot pomorintaan dit pibarasan kito?— O, Pomorintaan do Kinorohingan, Pomorintaan dit monimban om popowonsoi ti pomogunan dot paradais. Orohian ko’d minsingilo’d togumu pasal Pomorintaan diti?—

Koinsanai nopo’d pomorintaan nga haro Raja. Raja no’d ti o momorinta’d rayat id pomogunan dau. Koilo ko’d isai o Raja’d ti Pomorintaan do Kinorohingan?— I Yesus Kristus. Poingiyon yau’d hilo’d surga. Amu noh alaid om osiliu noh yau’d Raja koinsanai’d tulun do hiti’d pomogunan! Ounsikou toko nangku’d soira’d osiliu i Yesus dot Raja do hiti’d pomogunan?—

Kopuriman toko’d ounsikou kopio! Id Paradais nopo, nga aiso o tulun do mogiumang toi ko mooi sangod. Koinsanai nopo’d tulun nga mogiupus-upus. Aiso tulun do sumakit om apatai. Bolou nga kokito, i bosukon nga korongou, i kakung nga katangkus om kosimbul. Koinsanai tulun nga osima’d taakanon. Nintorusan nga oulud om olumaag om mambalut nogi dati. I tulun di nangapatai nga tungagon ngai. Ogumu tongokusai om tongoondu i nopinsingilaan nu’d hiti’d buuk miagal di Robika, Rahab, Daud om i Ilia nga tungagon nogi. Sisolowot ko toi diyolo?—

Oupus tomod i Yohuwah diya tu manu yau’d ounsikou ko. Ondung minsingilo ko kasai’d Yohuwah om obintumboyo ko Dau, koiyon koi’d hilo’d paradais dot poingompus. Iti toi o’t korohian nu?—