TATA SI MÍESRƆ̃NA

Nyati sia dzro susu aɖewo siwo tae ame geɖe ƒo nya ta be Yehowa Ðasefowo sie nyateƒea le la me. Míadzro susu siwo tae Ðasefowo ka ɖe edzi be yewo sie nyateƒea le hã me.

Esi míele Satana ƒe xexea me ta la, míato xaxawo me. Dodokpɔ siwo vaa mía dzi la dometɔ aɖewo nye amedzidzedze siwo le tẽe, eye bubuwo mele tẽe o. Nyati sia akpe ɖe mía ŋu míade dzesi wo ahadzra ɖo ɖe Satana ƒe amedzidzedzewo ŋu.

Ele be dzilawo nahe wo viwo le “Yehowa ƒe amehehe kple susua mamla me.” (Ef. 6:4) Nyati sia dzro mɔ etɔ̃ siwo dzi woate ŋu ato awɔ esia kple ale si woate ŋu anye gbɔgbɔ me alẽkplɔlawo na wo vi siwo le tsitsim la me.

Aleke wòdzɔe be ameƒomea va le kukum? Aleke ‘woava ɖe ku, si nye futɔ mamlɛtɔ, la ɖae’? (1 Kor. 15:26) Kpɔ ale si ŋuɖoɖoawo te gbe ɖe Yehowa ƒe dzɔdzɔenyenye, eƒe nunya kple vevietɔ eƒe lɔlɔ̃ dzii.

Tso blema ke la, nuteƒewɔlawo le Yehowa si siwo wɔa ɣeyiɣiawo katã ƒe subɔsubɔdɔa togbɔ be esia wɔwɔ bia be woatsɔ nanewo asa vɔe le nuɖoanyi sia me hã. Aleke míaɖo ŋku woƒe ‘xɔse ƒe dɔwɔwɔ kple agbagba siwo wodzena le lɔlɔ̃ ta’ la dzi?​—1 Tes. 1:3.