Ame siwo atsi agbe le ŋkeke mamlɛawo me la anɔ agbe le paradiso me le anyigba dzi
Nya Kae Biblia Gblɔ?
“Ŋkeke mamlɛawo” mee míelea?
Ðe nàgblɔ be
Ɛ̃
Ao
Nyemenya oa?
Nya Si Biblia Gblɔ
“Le ŋkeke mamlɛawo me la, ɣeyiɣi sesẽ siwo me nɔnɔ asesẽ la ava.” (2 Timoteo 3:1) Biblia me nyagblɔɖiwo kple nu siwo le dzɔdzɔm egbea na míekpɔe be míele “ŋkeke mamlɛawo” me.
Nu bubu kae míate ŋu asrɔ̃ le Biblia me?
Nu siwo aɖee afia be míele ŋkeke mamlɛawo me ƒe ɖewoe nye aʋawɔwɔ, dɔwuame, anyigbaʋuʋu kple dɔvɔ̃wo.—Mateo 24:3, 7; Luka 21:11.
Le ŋkeke mamlɛawo me la, amegbetɔwo ƒe agbe nyui nɔnɔ kple Mawu subɔsubɔ ayi to kura.—2 Timoteo 3:2-5.
Nu kae adzɔ ɖe amegbetɔwo dzi le etsɔme?
Ame aɖewo xɔe se be . . . ŋkeke mamlɛawo awu enu ne wotsrɔ̃ anyigba la kple edzinuwo katã, eye ame bubuwo hã xɔe se be nɔnɔmeawo ava ka ɖe eme. Nu kae nèsusu?
Nya Si Biblia Gblɔ
“Ame dzɔdzɔewo anyi anyigba la dome, eye woanɔ edzi tegbee.”—Psalmo 37:29.
Nu bubu kae míate ŋu asrɔ̃ le Biblia me?
Ŋkeke mamlɛawo awu enu ne woɖe nu vlo wɔwɔwo katã ɖa.—1 Yohanes 2:17.
Woatrɔ anyigbaa wòazu paradiso.—Yesaya 35:1, 6.