Amekawoe Nye Mawu Ƒe Futɔwo?

Mawu ƒe futɔ gãtɔe nye Satana Abosam. Enye gbɔgbɔ me nuwɔwɔ si dze aglã ɖe Yehowa ŋu. Satana yi edzi le tsitre tsim ɖe Mawu ŋu eye wònaa amegbetɔwo kpea fu geɖe. Ame vɔ̃ɖie Satana nye. Aʋatsokala kple amewula wònye.—Yohanes 8:44.

Gbɔgbɔ me nuwɔwɔ bubuwo kpe ɖe Satana ŋu le eƒe aglãdzedze ɖe Mawu ŋu me. Biblia yɔ wo be gbɔgbɔ vɔ̃wo. Gbɔgbɔ vɔ̃awo nye amegbetɔwo ƒe futɔwo abe Satana ke ene. Wodina be yewoawɔ nuvevi amewo. (Mateo 9:32, 33; 12:22) Yehowa atsrɔ̃ Satana kple eƒe gbɔgbɔ vɔ̃awo tegbee. Ɣeyiɣi kpui aɖe koe susɔ na wo be woagafia fu amegbetɔwo.—Nyaɖeɖefia 12:12.

Ne èdi be yeanye Mawu xɔlɔ̃ la, mele be nàwɔ nusi Satana di be nàwɔ o. Satana kple gbɔgbɔ vɔ̃wo lé fu Yehowa. Mawu ƒe futɔwoe wonye, eye wodi be yewoana nàzu Mawu ƒe futɔ. Ele be nàtia amesi ŋu nèdi be yeadze—Satana loo alo Yehowa. Ne èdi be yeanɔ agbe tegbee la, ke ele be nàtia Mawu ƒe lɔlɔ̃nuwɔwɔ. Ayemɔ geɖe le Satana si siwo dzi wòtona blea amewo. Ele ame akpa gãtɔ blem.—Nyaɖeɖefia 12:9.