NUSƆSRƆ̃ 1

Ŋgɔdonya Si Sɔ Nyuie

Dɔwɔwɔwo 17:22

NU SI NÀWƆ: Ele be wò ŋgɔdonyaa nana nyaa sese nadzro wò nyaselawo, wòana wò nyatia nadze ƒãa, eye wòana wò nyaselawo nakpɔ nu si tae wòle be woatsɔ ɖe le eme.

ALE SI NÀWƆE:

Na nyaa sese nadzro amewo. Bia nya aɖe, ƒo nu tso nya aɖe ŋu, gblɔ agbemenudzɔdzɔ aɖe, alo nàƒo nu tso nyadzɔdzɔ yeye aɖe si me wò nyaselawo atsɔ ɖe le ŋu.

De ŋugble le nu siwo le vevie na wò nyaselawo kple nu siwo ŋu wotsi dzi ɖo la ŋu do ŋgɔ eye nàtrɔ asi le wò ŋgɔdonyaa ŋu wòasɔ ɖe woƒe nɔnɔmea nu.
Na wò nyatia nadze ƒãa. Kpɔ egbɔ be wò ŋgɔdonyaa na taɖodzinu si le wò gbedeasia ŋu kple nyati si ŋu wòku ɖo la me kɔ na wò nyaselawo.
Na woakpɔ nu si tae nyatia le vevie. Trɔ asi le wò nyawo ŋu woasɔ ɖe wò nyaselawo ƒe nuhiahiãwo nu. Na woakpɔ ale si nyatia ate ŋu akpe ɖe wo ŋui la nyuie.

Ne èle nuƒo aɖe dzram ɖo la, bia ɖokuiwò be, ‘Nu kawo me tom nɔvi siwo le nye hamea me la le?’ Eyome, trɔ asi le wò ŋgɔdonyaa ŋu wòasɔ ɖe woƒe nuhiahiãwo nu.