Nya si Míagblɔ le Magazineawo Ŋu

Gbetakpɔxɔ January 1

“Èsusu be ne ame sia ame wɔna ɖe Biblia me nya sia dzi la, xexea me anya nɔ na mí wua? See ɖa. [Xlẽ Romatɔwo 12:18. Emegbe ɖe mɔ wòaɖo eŋu.] Ekema èbia kpɔ be nu ka tae Mawu gblɔ na esubɔla siwo nɔ anyi le blema la be woawɔ aʋa hã? Nyati sia gblɔ ale si Biblia ɖo nya sia ŋui eme kɔ nyuie.” Tsɔ nyati si dze le axa 13 fiae.

Awake! January

Xlẽ Dɔwɔwɔwo 17:31a. Emegbe nàgblɔ be: “Nya ‘Ʋɔnudrɔ̃gbe’ ɖoa vɔvɔ̃ na ame geɖe. Ke wò ya ɖe? [Ðe mɔ wòaɖo eŋu.] Biblia fia nu be Ʋɔnudrɔ̃gbea ahe yayra geɖe avae na amewo le anyigba dzi. Nyati sia ɖe nya sia me.” Tsɔ nyati si dze le axa 10 la fiae.

Gbetakpɔxɔ February 1

“Ame geɖe le mɔ kpɔm be ne yewoku la, yewoayi dziƒo. Edzroa wò hã nenema? [Ðe mɔ wòaɖo eŋu.] Se nu si Biblia gblɔ be eyae anye fetu na ame nyui akpa gãtɔ la ɖa. [Xlẽ Psalmo 37:29.] Magazine sia dzro nya si Biblia gblɔ tso ame siwo ayi dziƒo kple nu si woava wɔ le afi ma ŋu la me.”

Awake! February

“Srɔ̃tɔ geɖe gbea wo nɔewo egbea. Èsusu be srɔ̃tɔ geɖe bua nuwo ŋu nyuie hafi gbea wo nɔewoa? [Ðe mɔ wòaɖo eŋu. Emegbe xlẽ Lododowo 14:15.] Magazine sia dzro nu vevi ene siwo ŋu wòle be srɔ̃tɔ siwo le didim be yewoagbe yewo nɔewo la nabu la me.”