Míaƒe Internet Nyatakakadzraɖoƒea—Zãe Nàtsɔ Awɔ Ðokuisinusɔsrɔ̃ Kple Ƒomenusɔsrɔ̃
Xlẽ Magazine Yeyetɔwo Le Internet Dzi: Xlẽ Gbetakpɔxɔ kple Nyɔ! le Internet dzi kwasiɖa geɖe hafi woƒe tatawo nava ka asiwò le hamea me. Ƒo esiwo woxlẽ lé ɖe mɔ̃a dzi la hã nàse.—Ʋu teƒe si nye “Agbalẽwo/Magazinewo.”
Xlẽ Nyati Siwo Dzena Le Internet Ðeɖe Ko Dzi: Nyati aɖewo abe “For Young People,” “My Bible Lessons,” “For Family Review,” kple “Young People Ask,” ene le dzedzem le Internet ɖeɖe ko dzi fifia. Ʋu Internet nyatakakadzraɖoƒea eye nàwɔ nyati siawo ŋu dɔ le wò ɖokuisinusɔsrɔ̃ kple ƒomenusɔsrɔ̃ me.—Ʋu teƒe si nye “Bible Teachings/Children” alo “Bible Teachings/Teenagers.”
Xlẽ Nyadzɔdzɔ Yeyetɔwo: Xlẽ nyatakaka kple nuteƒekpɔkpɔ dedziƒonamewo eye nàkpɔ video siwo ku ɖe ŋgɔyiyi ɖedzesi siwo wɔm míele le míaƒe dɔa me le xexea me godoo la ŋu. Nyatakaka siwo ku ɖe dzɔdzɔmefɔkuwo kple yometitiwo ŋu ate ŋu akpe ɖe mía ŋu be ne míele gbe dom ɖa ɖe mía nɔviwo ta la, míate ŋu aƒo nu tso nu si me tututu tom wole ŋu. (Yak 5:16)—Ʋu teƒe si nye “News.”
Zã Internet Dzi Agbalẽdzraɖoƒe La Nàtsɔ Awɔ Numekuku: Ne agbalẽdzraɖoƒe sia le miaƒe gbea me la, zã kɔmpiuta alo asitelefon nàxlẽ gbesiagbe mawunyakpukpuia le Internet dzi alo nàwɔ numekuku le míaƒe agbalẽ yeyetɔwo dometɔ aɖewo me.—Ʋu teƒe si nye “Agbalẽwo/Internet Dzi Agbalẽdzraɖoƒe” alo nàƒo www.wol.jw.org la ɖe Internet adrɛsŋlɔƒea.
[Nuwo ƒe nɔnɔme si le axa 4]
(Edze nyuie le agbalẽa ŋutɔ me)
Tee Kpɔ
1 Zi nɔnɔmetataa alo kadodo si nye “Download” la dzi. Nɔnɔmetataa adze le axa si aʋu la dzi nyuie. Àte ŋu atae to mɔ̃ dzi na viwò wòazã abe dɔdeasi ene.
2 Zi “Ƒoe” ne nàkpɔ video la.