Èle JW Library La Zãma?

JW Library nye kɔmpiutadziɖoɖo si akpe ɖe ŋuwò nàwɔ Biblia, Biblia-srɔ̃gbalẽwo videowo kple nu siwo woxlẽ lé ɖe mɔ̃ dzi la ƒe kɔpi ɖe wò fon, tablɛt alo kɔmpiuta dzi.

ALE SI NÀWƆ AKE ÐE EŊU: Yi Internet dzi, eye nàda JW Library dɔwɔnua ɖe wò mɔ̃a dzi. Woate ŋu azã dɔwɔnu sia le elektrɔnikmɔ̃ vovovowo dzi. Ne èyi Internet dzi la, ʋu JW Library dɔwɔnua eye nàtia nu siwo ƒe kɔpi nèdi be yeawɔ ɖe wò mɔ̃a dzi. Ne Internet mele aƒewò me o la, ɖewohĩ àte ŋu ayi Fiaɖuƒe Akpata me, agbalẽdzraɖoƒe aɖe, alo teƒe bubu aɖe si Internet le. Ne èwɔ nuawo ƒe kɔpi ɖe wò mɔ̃a dzi vɔ la, magahiã be nàyi Internet dzi hafi azã wo o. Esi wònye be wotsɔa nu yeyewo kpea nu siwo le JW Library dɔwɔnua dzi edziedzi ta la, ele be nànɔ Internet dzi yim edziedzi be nàte ŋu awɔ nu yeye siwo wotsɔ kpee la ŋu dɔ.

NU KA TAE WÒLE BE WÒANƆ ASIWÒ? JW Library dɔwɔnua nana wònɔa bɔbɔe be ame nawɔ ɖokuisinusɔsrɔ̃ eye wòakplɔ nu siwo srɔ̃m wole le kpekpeawo me ɖo. Eɖea vi le gbeadzi hã vevietɔ ne míele vomeɖase ɖim.