Ale Si Nàwɔ Abi Ðe Ðaseɖiɖidɔa Me—Zã Nya Nyui Si Tso Mawu Gbɔ! Gbalẽa Nàtsɔ Adze Biblia-nusɔsrɔ̃ Gɔme Le Ʋɔtru Nu
Nu Si Ta Wòle Vevie: Be míawɔ amewo woanye nusrɔ̃lawo la, ele be míanye Mawu ƒe Nya la fiala bibiwo. (Mat. 28:19, 20) Mí katã míate ŋu afia nyateƒea nyuie ne míezãa dɔwɔnu siwo le mía si. Wotrɔ asi le Nya Nyui Si Tso Mawu Gbɔ! gbalẽ gbadzaa ŋu etɔxɛ be wòakpe ɖe mía ŋu míafia nyateƒea amewo. Le nyateƒe me la, míate ŋu azãe atsɔ adze Biblia-nusɔsrɔ̃ gɔme kple aƒemenɔlawo le wo gbɔ yiyi zi gbãtɔ me le ʋɔtru nu gɔ̃ hã.
Te Esia Kpɔ Le Ɣletia Me:
Do gbe ɖa nàbia Yehowa be wòade Biblia-nusɔsrɔ̃ wɔwɔ ƒe didia mewò. Ƒo koko nɛ hã be wòakpe ɖe ŋuwò nàdze Biblia sɔsrɔ̃ gɔme kple ame aɖe, eye be nàte ŋu afia nyateƒea nyuie.—Flp. 2:13.
Le ƒometadedeagu alo ɖokuisinusɔsrɔ̃ me la, gbɔ dzi ɖi nàsrɔ̃ dzeɖonya la nyuie wòatsi dzi me na wò. Esia awɔe be nàte ŋu aƒo nu kple kakaɖedzi eye nàte ŋu adze Biblia-nusɔsrɔ̃ gɔme le ʋɔtru nu ne èle gbeadzi.