NU XƆASI SIWO LE MAWU ƑE NYA LA ME | TITO 1–FILEMON
‘Ðo Hamemetsitsiwo’
Wobia tso Tito si be ‘wòaɖo hamemetsitsiwo tso du me yi du me.’ Nutome sue dzikpɔlawo wɔna ɖe Biblia me kpɔɖeŋu sia dzi ɖoa nɔviŋutsuwo agbanɔamedzinɔƒewo le hamea me.
DƆDZIKPƆHAA
Dɔdzikpɔha la srɔ̃a ƒe alafa gbãtɔ me tɔwo ƒe kpɔɖeŋu, eye wotsɔ dɔ vevi aɖe de asi na nutome sue dzikpɔlawo, si nye be woaɖo hamemetsitsiwo kple subɔsubɔdɔwɔlawo.
NUTOME SUE DZIKPƆLAWO
Nutome sue dzikpɔla ɖe sia ɖe léa ŋku ɖe ame siwo hamemetsitsiwo kafu la ŋu nyuie, doa gbe ɖa tso eŋu eye emegbe wòɖoa wo dometɔ siwo dze.
HAMEMETSITSI SIWO WOÐO
Ne woɖo ame aɖe hamemetsitsi vɔ hã la, ele be wòayi edzi alé Ŋɔŋlɔawo ƒe nudidi siwo gbɔ wòɖo hafi woɖoe la me ɖe asi.