“Anyigba Blibo La Katã Doa Gbe Ðeka”

11:1-4, 6-9

Yehowa tɔtɔ gbe na ame dzeaglã siwo nɔ Babel eye wòna wokaka. Egbea la, ele ameha gã aɖe nu ƒom ƒu tso dukɔ sia dukɔ kple gbegbɔgblɔwo katã me, eye wòna “gbegbɔgblɔ dzadzɛ” wo ale be “wo katã nayɔ Yehowa ƒe ŋkɔ, eye woasubɔe le ɖekawɔwɔ me.” (Zef 3:9; Nyɖ 7:9) “Gbegbɔgblɔ dzadzɛ” siae nye nyateƒe si ku ɖe Yehowa kple eƒe tameɖoɖo si le Ŋɔŋlɔawo me la ŋu.

Gbe yeye sɔsrɔ̃ bia nu geɖe wu nya yeyewo lelé ɖe susu me ko. Ebia be ame nasrɔ̃ nuŋububu alo tamebubu ƒe mɔnu yeyewo. Nenema kee ne míele nyateƒea ƒe gbegbɔgblɔ dzadzɛa srɔ̃m la, míaƒe tamesusuwo trɔna. (Ro 12:2) Esiae nye nu si wòle be míayi edzi anɔ wɔwɔm ale be ɖekawɔwɔ nanɔ mí Mawu ƒe amewo dome.—1Ko 1:10.