Kpɔɖeŋudzeɖonyawo

Gbetakpɔxɔ February 1

“Míele agbalẽvi sia ƒe ɖeka nam ame sia ame le miaƒe nutoa me. Eɖe ale si Biblia ate ŋu aɖe vi na míi me. Tɔwòe nye esia. [Tsɔ trakt si nye Agbalẽ Ka Ƒomevie Biblia Nye? na aƒemenɔlaa.] Ame aɖewo biaa wo ɖokuiwo be ɖe aɖaŋuɖoɖo nyuiwo le Biblia me siwo akpe ɖe yewo ŋu le yewoƒe dɔwɔnyawo me mahã. Meɖe kuku, kpɔ nu si mawunyakpukpui sia gblɔ ku ɖe dɔwɔwɔ ŋu ɖa. [Xlẽ Nyagblɔla 3:13.] Gbetakpɔxɔ sia ƒo nu tso Biblia ƒe mɔfiame siwo akpe ɖe mía ŋu míase vivi na dɔ si míewɔna la ŋu. Àdi be yeaxlẽea?”

Nyɔ! February

“Meɖe kuku, míeva be míatsɔ Nyɔ! yeye si va afia mi. Eɖo biabia dodzidzɔname sia ŋu. [Tsɔ nyabiase si le akpaa dzi fiae.] Míedi be nàgblɔ nu si nèsusu tso mawunyakpukpui sia si dze le agbalẽ sia me ŋu na mí. [Xlẽ Lododowo 29:11.] Èsusu be Biblia ƒe aɖaŋuɖoɖo sia ate ŋu aɖe vi na mí egbea? [Ðe mɔ wòaɖo eŋu.] Nyɔ! sia dzro Biblia ƒe aɖaŋuɖoɖo ene me, eye wòɖe ale si wo dzi wɔwɔ aɖe vi na míi me.”