Kpe Ðe Biblia Nusrɔ̃viwo Ŋu Woatsri Hadede Vɔ̃wo

Hafi Biblia nusrɔ̃viwo nate ŋu anye Yehowa xɔlɔ̃woa, ele be woade ha kple ame siwo hã vɔ̃a Yehowa. (Ps 15:1, 4) Hadede nyui siawo akpe ɖe wo ŋu be woawɔ nu si sɔ.—Lod 13:20; lff nusɔsrɔ̃ 48.

Ne èle kpekpem ɖe wò Biblia nusrɔ̃viwo ŋu be woadzudzɔ hadede vɔ̃woa, dze agbagba nàse nu gɔme na wo. Ate ŋu asesẽ na wo be woaɖe asi le wo xɔlɔ̃wo ŋu. Eya ta ɖee fia be yetsɔ ɖe le eme na wo ŋutɔŋutɔ; ne menye ŋkeke si dzi míesrɔ̃na nu ye o hã. Àte ŋu ayɔ wo, aɖo text message ɖe wo, alo avae srã wo kpɔ. Ne wò nusrɔ̃viwo le ŋgɔyiyi wɔma, àte ŋu akpe wo miavae ɖe modzaka kple nɔvi bubuwo. Esia ana woakpɔe be yewole nu siwo ŋu yewoɖe asi lea ƒe teƒeɖoɖo gbogbowo kpɔm. (Mr 10:29, 30) Dzi adzɔ wò ŋutɔ hã ne èkpɔe be Yehowa ƒe ƒomea le ta kekem ɖe edzi.

MIKPƆ WƆWƆFIA ƑE VIDEO SI NYE KPE ÐE WÒ BIBLIA NUSRƆ̃VIWO ŊU WOATSRI HADEDE VƆ̃WO, EYOME MIAÐO BIABIA SIAWO ŊU:

• Nu kae nye hadede vɔ̃?—1Ko 15:33

• Aleke Dzidzɔ susui be Kristotɔwo ƒe modzakaɖeɖe anɔ?

• Aleke Rut kpe ɖe Dzidzɔ ŋu wòtsɔ hadede nyuiwo ɖɔli hadede vɔ̃wo?